हामी सबैकाे संसारन्यूज

११ जेठ, काठमाण्डौं । नेपालमा काठमाण्डौं १६ खुट्टेका ६९ वर्षीय पुरुष सहित थप १९ जनामा कोरोना संक्रमण भेटिएको छ । पछिल्लो २४ घण्टामा थपिएका १९ जनामा नुवाकोटमा पनि पहिलोपटक एक संक्रमित भेटिएका छन् ।

स्वास्थ्य तथा जनसंख्या मन्त्रालयका अनुसार आज संक्रमित हुनेहरुमा प्रादेशिक जनस्वास्थ्य प्रयोगशाला विराटनगरमा गरिएको परीक्षणमा मोरङ बाह्रदशी-३ का ४५ वर्षीय पुरुष, राष्ट्रिय जनस्वास्थ्य प्रयोगशाला टेकुमा गरिएको परीक्षणमा बारा कलैयाका ३२ वर्षीय पुरुष, विरगन्ज पर्साका २५ वर्षीय पुरुष, पर्सा नागवाका ६० वर्षीय पुरुष, पर्साकै वारामा कार्यरत ३४ वर्षीय पुरुष, रौतहट घर भई कलैयामा कार्यरत ३२ वर्षीय पुरुष, सर्लाही हरिपुर ६ का ४८ वर्षीय पुरुष र रुपन्देही सम्मरीमाइका ४० र ५० वर्षीय र रुपन्देही १ का ३२ वर्षीय पुरुषमा कोरोना संक्रमण देखिएको हो ।

त्यसैगरी काठमाण्डौं सोह्रखुट्टेका ६९ वर्षीय पुरुष, नुवाकोट ककनीका ३९ वर्षीय पुरुष र प्रादेशीक जनस्वास्थ्य प्रयोगशाला भैरहवामा गरिएको नमुना परीक्षणमा रुपन्देही गैडहवा गाउँपालिकाका २३, ३० र ४० वर्षीय पुरुष, कपिलवस्तु खैराती–३ का ३५, ३७ र ५२ वर्षीय पुरुष रहेका छन् । साथै गुल्मी मदाने गाउँपलिका ३१ वर्षीय पुरुषमा पनि संक्रमण देखिएको मन्त्रालयले जानकारी दिएको छ ।