हामी सबैकाे संसारन्यूज

केटाको घरमासमेत केटी आउजाउ गर्थिन् । केटाको आमा उर्मिलाले ‘हाम्रो जातभात मिल्दैन भन्दै सुष्मालाई ठकुरीको छोरी भएको र आफूहरु दलित भएकाले छोरासँग बिहे नगर्न भन्थिन् ।’ तर, उनीहरु आफूहरुको प्रेमलाई जातले रोक्न नसक्ने भन्दै दुवैले बिहे गर्ने कसम खाए ।

१२, जेठ, जाजरकोट । भेरी नगरपालिका –४ खलंगाका नवराज विक र रुकुमपश्चिमको चौरजहारीको सुष्मा मल्लबीच तीन वर्षदेखि प्रेम सम्बन्ध थियो । यो विषय बिस्तारै दुवैतिरका परिवारले थाहा पाए । केटातर्फका परिवारले दलित केटीसँग्को प्रेम सम्बन्ध कुनै हालतमा अघि बढ्न नसक्ने भन्दै पटक–पटक चेतावनी दिँदै आएका थिए । तर, गहिरो माया बसेपछि उनीहरु एकअर्काबिना बाँच्न नसक्ने भन्दै विवाह बन्धनमा बाँधिने निर्णयमा पुगे । केटाको घरमासमेत केटी आउजाउ गर्थिन् । केटाको आमा उर्मिलाले ‘हाम्रो जातभात मिल्दैन भन्दै सुष्मालाई ठकुरीको छोरी भएको र आफूहरु दलित भएकाले छोरासँग बिहे नगर्न भन्थिन् ।’ तर, उनीहरु आफूहरुको प्रेमलाई जातले रोक्न नसक्ने भन्दै दुवैले बिहे गर्ने कसम खाए ।

आफ्नो प्रेमलाई विवाहमा परिणत गर्ने सल्लाहबमोजिम सुष्माकै आग्रहमा नवराज साथीहरुसँग केटीको गाउँ सोती पुगे । एक्लै गए खतरा हुने ठानेरै १८ जना साथी लिएर गएका नवराजलाई अन्ततः साथीहरुले पनि जोगाउन सकेनन् । स्थानीयको आक्रमणमा नवराजसहित दुई जनाको मृत्यु भयो । बेहुला लिन गएका जाजरकोटको भेरी नगरपालिका–४ का २९ वर्षीय नवराज विकको शव शुक्रबार बिहान भेरी नदी किनारमा भेट्टियो । प्रेमिकाको आग्रहमा बेहुली लिन गएका नवराजसहितको टोलिमाथि वडाध्यक्ष डम्बरबहादुर मल्लसहत सोतीका गाउँलेले आक्रमण गरे । १२ जनालाई गाउँलेले नियन्त्रणमा लिएर प्रहरीको जिम्मा लगाए । केटीका आमाबुबाले गाउँले बोलाएर आक्रमण गरी लखेटेर हत्या गरेको पीडित पक्षको भनाइ छ ।

प्रहरीले घटनाबारे अनुसन्धान गरिरहेको छ । घटनापछि चौरजहारी नगरपालिका –८ का वडाध्यक्ष डम्बरबहादुर मल्ल, केटीका( बुबा) बीरबहादुर मल्ल र आमा प्रकाशी मल्लसहित पाँच जनालाई प्रहरीले नियन्त्रणमा लिएको छ । प्रहरीका अनुसार जाजरकोटको भेरी नगरपालिका ४ का गणेश विक, भेरी नगरपालिका –११ का लोकेन्द्र सुनार, गोविन्द शाही, सन्दीप विक र चौरजहारी नगरपालिका –१ का टीकाराम सुनार बेपत्ता छन् । तीमध्ये एक जनाको शव फेला परेको छ ।

(आजको अन्नपूर्ण पोष्ट दैनिकबाट )