Sansar News
१२ जेठ, काठमाण्डौं । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ ले मुस्लिम समुदायको महान् चाड ईदुल फित्रको अवसरमा स्वदेश तथा विदेशमा रहेका सम्पूर्ण नेपाली मुस्लिम दिदीबहिनी तथा दाजुभाइहरुमा हार्दिक बधाई तथा शुमकामना व्यक्त गरेका छन् ।
पुर्व प्रधानमन्त्री समेत रहेका अध्यक्ष प्रचण्डले नेपाल बहुजातीय, बहुभाषिक, बहुसाँस्कृतिक तथा बहुधार्मिक मुलुक रहेको बताउँदै विविधता भित्रको एकता नै हाम्रो मौलिक विशेषता र पहिचान रहेको बताएका छन् । ‘बहुधर्म र संस्कृतिले नै हाम्रो समाजलाई पारस्पारिक सम्मान, सहिष्णुता र सद्भावसहित अगाडि बढ्न अभिप्रेरित गर्दछ ।’ उनले भनेका छन् ।
अध्यक्ष प्रचण्डले सबै जातीय, धार्मिक र वर्गीय समुदायमा कोरोना भाइरस (कोभिड–१९) ले समानरुपले आक्रमण गरिरहेको अवस्थामा यस महामारी विरुद्धको संघर्षमा एकतावद्ध प्रतिरोधका लागि आग्रह समेत गरेका छन् ।
वि.सं.२०७७ जेठ १२ सोमवार ०७:३९ मा प्रकाशित
