हामी सबैकाे संसारन्यूज

१२ जेठ, काठमाडौँ । बूढानीलकण्ठ नगरपालिका वडा नं १२ स्थित तेन्जिङ चोकमा बसोबास गर्ने १८ वर्षीया एक युवतीमा कोरोना संक्रमण देखिएसँगै युवतीको सम्पर्कमा आएका आठ जनाको पिसिआर जाँच गर्दा रिपोर्ट नेगेटिभ आएको छ ।

राष्ट्रिय प्रयोगशाला टेकुमा गरिएको जाँचमा उक्त युवतीसँगै सर्लाही रामनगर – ४ बाट आएका र काठमाडौँमा युवतीको सम्पर्कका रहेका आठ जनाको रिपोर्ट नेगेटिभ आएको नगर स्वास्थ्य शाखा प्रमुख कुमार दाहालले बताए ।

बूढानीलकण्ठ नगरपालिकामा पहिलो कोरोना संक्रमण पुष्टि भएसँगै उक्त क्षेत्र यही जेठ ५ देखि ८ गतेसम्म सिल गरिएको थियो । पिसिआर परीक्षण पोजिटिभ आएसँगै युवतीलाई शुक्रराज ट्रपिकल तथा सरुवारोग अस्पताल टेकुको आइसोलेशनमा राखिएको छ ।