हामी सबैकाे संसारन्यूज

१८ जेठ, काठमाण्डौं । जापानबाट नेपाल फर्कनै पर्ने नेपालीका लागि नेपाली दूतावास जापानले एक सूचना जारी गरेर विवरण उपलब्ध गराउन अनुरोध गरेको छ ।

यहि जेठ १२ गते नेपाल सरकार मन्त्रिपरिषद्को बैठकलले गरेको निर्णय अनुसार ‘कोभिड–१९ को विश्वव्यापी संक्रमणका कारण उत्पन्न असहज परिस्थितिमा स्वदेश आउनैपर्ने अवस्थामा रहेका नेपाली नागरिकलाई स्वदेश फर्कनका लागि सहजीकरण गर्ने सम्बन्धी आदेश २०२०’ बमोजिम तत्कालै नेपाल फर्कन चाहेका नेपालीहरुको विवरण चाहिएकोले दूतावासले यस्तो अनुरोध गरेको जनाएको छ ।

विवरण प्राप्त गरे पश्चात क्वारेन्टाइन लगायत अन्य व्यवस्थापनलाई सुव्यवस्थित गर्न सहज र सहयोग पुग्ने भएकोले सहि र यर्थाथ विवरण उपलब्ध गराउन पनि दूतावासले अनुरोध गरेको छ ।

‘विवरण भए पश्चात् क्वारेन्टाइन लगायत अन्य व्यवस्थापनलाई सुव्यवस्थित गर्न सहज र सहयोग पुग्ने हुँदा यर्थाथ र सहि विवरण उपलब्ध गराइदिनुहुन अनुरोध छ ।’ दूतावासको सूचनामा भनिएको छ ।