नेपालमा हालसम्म ८४ हजार बढी पिसीआर परीक्षण, २,६३४ कोरोना संक्रमित, १० को मृत्यु र आइसोलेसनमा २,३३४ जना

२२ जेठ, काठमाण्डौं । नेपालमा विहिबार (२२ जेठ) सम्म र्यापिड र पिसीआर प्रविधि दुवैबाट २ लाख ९ हजार ६९८ वटा कोरोना भाइरसको नमुना परीक्षण गरिएको छ । जसमा पछिल्लो २४ घण्टामा दुवै प्रविधिबाट ९,०५२ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ । पछिल्लो समय मन्त्रालयले परीक्षणको दायरा दैनिकरुपमा बढाउँदै गएको छ ।

मन्त्रालयका अनुसार आजसम्म पिसीआर प्रविधिबाट ८४ हजार १३४ र आरडिटी प्रविधिबाट १ लाख २५ हजार ५६४ वटा नमुना परीक्षण गरिएको हो । जसमा पछिल्लो २४ घण्टामा ३,८६७ पिसीआर र ५,१८५ वटा र्यापिड परीक्षण गरिएको छ ।

प्रदेश परीक्षण विवरण
त्यसैगरी हालसम्म प्रदेश नं १ मा १२ हजार ७४९, प्रदेश नं २ मा ७ हजार ७७९, बाग्मती प्रदेशमा २६ हजार ५१, गण्डकी प्रदेशमा ८ हजार ९१८, प्रदेश नं ५ मा २९ हजार २९६, कर्णाली प्रदेशमा १५ हजार ८३१ र सुदूरपश्चिम प्रदेशमा २४,९४० वटा नमुना आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा १ लाख ६१ हजार २६२ जना रहेका छन् । जसमा प्रदेश नं १ मा ३ हजार ९६३ जना, प्रदेश नं २ मा २२ हजार ४१९ जना, बाग्मती प्रदेशमा ३ हजार २३८ जना, गण्डकी प्रदेशमा ४ हजार २९७ जना, प्रदेश नं ५ मा ३६ हजार ५३९ जना, कर्णाली प्रदेशमा ३२ हजार ५६५ जना र सुदूरपश्चिम प्रदेशमा ५८ हजार २४१ जना रहेको स्वास्थ्य मन्त्रालयले विहिबार (जेठ २२ गते) को नियमित पत्रकार सम्मेलनमा जानकारी दिएको हो । क्वारेन्टाइनमा रहनेहरु धेरैजसो भारतबाट आएका हुन् ।

आइसोलेशनमा रहनेको संख्या
नेपालमा हालसम्म विभिन्न अस्पतालका आइसोलेसनमा २,३३४ जना रहेका छन् । जसमा प्रदेश नं १ मा १४९ जना, प्रदेश नं २ मा ८४३ जना, बाग्मती प्रदेशमा २४ जना, गण्डकी प्रदेशमा ५० जना, प्रदेश नं ५ मा ८१६ जना, कर्णाली प्रदेशमा ३८० जना र सुदूरपश्चिम प्रदेशमा ७३ जना गरी २,३३४ जना आइसोलेसनमा रहेका छन् ।

आज एकैदिन ३३४ जनामा कोरोना संक्रमण, संक्रमितको संख्या २,६३४ पुग्यो
नेपालमा आज एकैदिन ३३४ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार आज संक्रमित भेटिएका ३३४ जनामा मोरङ सुन्दर हरैचाका २४ वर्षीय पुरुष, पर्सा पोखरीयाका १५ वर्षीया किशोरी, झापा भद्रपुरको क्वारेन्टिनमा रहेका २६ देखि ५६ वर्ष उमेरका ३ जना पुरुष, ताप्लेजुङ र मोरङ घर भई सुनसरीको भोक्राहामा बस्ने २५ र ३० वर्षीय पुरुष तथा सप्तरीका १३ जनामा राजविराज, हनुमान नगर कंकालिनी, छिन्नमस्ता र सम्भुनाथ क्वारेन्टिनमा रहेका १७ देखि ४८ वर्षीय जना पुरुष रहेका छन् । विराटनगर र नारायणी अस्पताल र विपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा उनीहरुमा कोरोना संक्रमण देखिएको हो ।

त्यस्तै बारा आर्दश कटवालकी ३० वर्षीया एक महिला, १२ वर्षीय बालक र ३० वर्ष उमेर समुहका पुरुष गरी ८ जना र सिन्धुली कमलामाईका २३ वर्षीय पुरुष र र्राैतहट गुजराका १८ वर्षीय पुरुषमा पनि संक्रमण देखिएको छ । उनीहरुको किटजन्य रोग अनुसन्धान तथा तालिम केन्द्र हेटौडामा परीक्षण गरिएको हो ।

पोखरा स्वास्थ्य विज्ञान प्रतिष्ठानमा गरिएको परीक्षणमा १६ जनामा संक्रमण देखिएको छ । जसमा म्याग्दी मंगला गाउँपालिकाका १९ वर्षीय पुरुष, बाग्लुङ निसीखोला बडिगार्ड गल्कोटकाका ३३ वर्षीया एक महिला र १६ देखि ३३ वर्षीय पुरुष गरी १० जना, पर्वतको विहादी गाउपालिका र फलेवास नगरपालिकाका २१ देखि २८ वर्षीय ४ पुरुष र स्याङजा कालिगण्डकीका १८ वर्षीय पुरुष रहेका छन् ।

सेती प्रादेशिक अस्पताल धनगढीमा गरिएको परीक्षणमा ३ जनामा संक्रमण पुष्टि भएको छ । उनीह डोटी दिपायल सिलगढी र पुर्वी चौकी गाउँपालिकाका ४५ वर्षीया महिला र २२ र २७ वर्षीय पुरुष ।

भेरी अस्पतालमा गरिएको परीक्षणमा बाँकेका ४२ जनामा संक्रमण देखिएको छ । उनीहरु नेपालगन्ज उपमहानगरपालिका र जानकी गाउँपालिकाका १५ देखि ३५ वर्षीय पुरुष रहेका छन् ।

त्यस्तै धुलिखेल अस्पतालमा गरिएको परीक्षणमा १७ जनामा संक्रमण पुष्टि भएको छ । उनीहरुमा कपिलवस्तु कृष्णनगरका १७ देखि ५२ वर्षका पुरुष रहेका छन् ।

राप्ती स्वास्थ्य विज्ञान प्रतिष्ठानमा गरिएको परीक्षणमा दाङका १५ जनामा संक्रमण भेटिएको छ । उनीहरु राजपुर, वग्लाचुली, बबई गाउँपालिका र घोराही उपमहानगरपालिकाका २३ वर्षीया एक महिला र १६ देखि ३६ वर्ष उमेर समुहका १४ जना पुष रहेका छन् ।
कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा १०५ जनामा संक्रमण पुष्टि भएको छ । उनीहरुमा मुगु खत्याण्डका १ जना २७ वर्षीय पुरुष, दैलेखका १०५ जनामध्ये नाारायण देवलकट, सोता, मनटाकुरा र बसकोटभगतीका ५ वर्षीया एक बालिका, ३२ वर्ष उमेर समुहका ४ महिला, ४ वर्षीय एक बालक गरी ३५ वर्ष उमेर समुहका पुरुष रहेका छन् ।

त्यसैगरी कोशी अस्पताल विराटनगरमा गरिएको परीक्षणमा ५ जनामा संक्रमण पुष्टि भएको छ । उनीहरु झापा कचनाकवलका १७ र २५ वर्षीय २ जना र खोटाङहलेसीका २१ देखि ४५ वर्ष उमेर समुहका ३ जना पुरुष रहेका छन् ।

प्रादेशिक अस्पताल सुर्खेतमा गरिएको परीक्षणमा ८ जनामा संक्रमण पुष्टि भएको छ । उनीहरुमा दैलेख नारायण नगरपालिका र नौमुले गाउँपालिकाका २ वर्षीय बालक र ३६ वर्ष उमेर समुहका ७ पुरुष रहेका छन् ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा ९३ जनामा संक्रमण पुष्टि भएको छ । जसमा बारा महागढीमाई नगरपालिका, विश्रामपुर र सुर्वण गाउँपालिकाका ५ जना रहेका छन् । उनीहरु १९ देखि २३ वर्षीय ५ जना पुरुष, धनुषा जनकपुरका ३० वर्षीया महिला र ३३ देखि ३७ वर्ष उमेर समुहका ५ जना पुरुष गरी ६ जना, कपिलवस्तु ओडरी मावि र जनचेतना मावि यशोधराको क्वारेन्टाइनमा रहेका २६ वर्षीया एक महिला तथा २१ देखि ४८ वर्ष उमेर समुहका १० पुरुष गरी ११ जना, महोत्तरी भंगाह नगरपालिकाका १९ र ३६ वर्षीय २ पुरुष, रौतहट स्थान गजरा, दुर्गाभगवती र गढीमाईका ६४ जना रहेका छन् । उनीहरुमा ६ महिने एक बालिका, र २ महिला, ८ वर्षीय एक बालक र ४५ वर्ष उमेर समुहका पुरुष रहेका छन् । साथै सर्लाही श्री प्रावि छोटोल धपनियाका १९ र ४० वर्षीय २ पुरुष रहेका छन् ।

आज थपिएका ३३४ सहित नेपालमा हालसम्म कोरोना संक्रमितको संख्या २६३४ पुगेको छ । उनीहरुमा २,४५० जना पुरुष र १५ जना महिला रहेका छन् ।

आज पनि १२ जनाले कोरोनालाई जितेर घर फर्किए, निको हुनेको संख्या २९० पुग्यो
नेपालमा आजपनि १२ जनाले कोरोना भाइरसलाई जितेर घर फर्किएका छन् । आज नारायणी अस्पताल विरगन्जमा उपचाररत २५ देखि ७० वर्ष उमेरका ५ जना पुरुष डिस्चार्ज भएका हुन् । उनीहरु ९ दिनको अस्पताल बसाईपछि निको भएर घर फर्किएका हुन् ।

त्यसैगरी वाराको कलैयामा ७ जना निको भएका छन् । २८ देखि ४९ वर्ष उमेर समुहका उनीहरु १० देखि १७ दिनको अस्पताल बसाईपछि निको भएर डिस्चार्ज भएको स्वास्थ्य मन्त्रालयले जानकारी दिएको छ ।

आज डिस्चार्ज भएका १२ जनासँगै नेपालमा कोरोना संक्रमणबाट मुक्त हुनेको संख्या २९० पुगेको छ । जसमा २३४ पुरुष र ५६ जना महिला रहेका छन् ।

हालसम्म निको भएर डिस्चार्ज हुनेमा प्रदेश १ मा ४८ जना, प्रदेश २ मा ११९ जना, बाग्मती प्रदेशमा ३२ जना, गण्डकी प्रदेशमा ३ जना, प्रदेश ५ मा ७९ जना, कर्णाली प्रदेशमा २ जना सुदूरपश्चिम प्रदेशमा ७ जना रहेका छन् ।

कोरोना संक्रमणबाट आज एकको मृत्यु भएको पुष्टि, मृतकको संख्या १० पुग्यो
नेपालमा कोरोना संक्रमणबाट एक व्यक्तिको मृत्यु भएको पुष्टि भएको छ । स्वास्थ्य मन्त्रालयका अनुसार विहिबार (२२ जेठ) संक्रमणबाट मृत्यु भएको पुष्टि भएकामा पाल्पा पूर्वखोला गाउँपालिका सिलवाका ४५ वर्षीय पुरुष रहेका छन् ।

उनी ५ दिन अगाडि भारतबाट आएर स्थानीय क्वारेन्टिनमा बसेका थिए । श्वास प्रश्वासमा समस्या भएपछि तीनदिन अगाडि मिशन अस्पताल पाल्पामा भर्ना भएका उनको २० जेठमा मृत्यु भएको थियो ।

थ्रोट श्वाव संकलन गरेर गरिएको पिसीआर परीक्षणमा उनको मृत्यु कोरोना संक्रमणबाट भएको पुष्टि भएको मन्त्रालयले जानकारी दिएको छ । यो संगै नेपालमा कोरोना संक्रमणबाट मृत्यु हुनेको संख्या १० पुगेको छ ।

त्यस्तै बुधबार (जेठ २०) पनि दोलखाका ७६ वर्षीय पुरुषको मृत्यु भएको थियो । स्ट्रोक भएर जेठ १३ गते काठमाण्डौं मेडिकल कलेज सिनामंगलमा भर्ना भएर अप्रेसन गरिएका उनमा जेठ १५ गते कोरोना संक्रमण भएको पुष्टि भएको थियो । उनको थप उपचारका लागि टिचिङ अस्पताल महाराजगन्जमा आइसीयुमा राखेर उपचार गर्ने क्रममा मृत्यु भएको हो ।

यसअघि बाजुराकी २ वर्षीया बालिकाको संक्रमणबाट मृत्यु भएको थियो । बालिकाको. आइतबार बिहान २ः३० बजे बाजुरा जिल्ला स्वास्थ्य अस्पतालमा उपचारका क्रममा मृत्यु भएको हो ।

आमाबुवासहित ८ दिन पहिले भारतबाट आएकी ती बालिकालाई क्वारेन्टाइनमै रहेका अवस्थामा श्वास– प्रस्वास, ज्वरो र झाडा पखाला लागेपछि जेठ १५ गते अस्पताल भर्ना गरिएको थियो । उनको जेठ १६ गते नै श्वास संकलन गरेर सेती प्रादेशिक अस्पतालमा गरिएको परीक्षणमा कोरोना संक्रमण भएको पुष्टि भएको स्वास्थ्य मन्त्रालयले आइतबार जानकारी दिएको छ ।

त्यसैगरी शनिबार बेलुका पनि दैलेखको दुल्लु नगरपालिका पटांगिनीको क्वारेन्टाइनमा रहेका ३५ वर्षीय युवाको पनि कोरोनाकै कारण मृत्यु भएको हो । शनिबार र आइतबार मृत्यु भएका दुईजनासँगै नेपालमा कोरोना संक्रमणबाट मृत्यु हुनेको संख्या ८ पुगेको छ ।

यसअघि अर्घाखाँचीको भुमिकास्थानका ३५ वर्षीय युवाको भारतमा मजदूरी गरेर नेपाल फर्कने क्रममा जेठ १० गते मृत्यु भएको थियो । उनको जेठ ११ गते श्वाव संकलन गरेर भैरहवाको प्रयोगशालामा परीक्षण गरिएको थियो । विहिबार आएको रिर्पोटमा उनमा कोरोना पोजेटिभ भएको पुष्टि भएको थियो । उनको शबको दाहसंस्कार भइसकेको छ ।

उनीसहित नेपालमा कोरोना संक्रमणबाट मृत्यु हुनेको संख्या ६ पुगेको छ । जसमा बुधबार (जेठ १४) गते ललितपुर बुङमति २२ का ५६ वर्षीय पुरुषको मृत्यु भएको थियो । उनको कलेजोमा समस्या भएका कारण जेठ ११ गते ललितपुरको ग्वार्कोमा रहेको किस्ट अस्पतालको आइसीमा भर्ना भएका थिए ।

उनको जेठ १२ गते कोरोना परीक्षण गरिएको थियो । जसमा रिर्पोट पोजेटिभ आएको थियो । उनको बुधबार मृत्यु भएको स्वास्थ्य मन्त्रालयले पुष्टि गरेको छ ।

त्यस्तै जेठ ४ गते मृत्यु भएका ७० वर्षीय पुरुषमा कोरोना संक्रमण भएको पुष्टि भएको छ । उनको संक्रमणबाट मृत्यु भएको पुष्टि स्वास्थ्य मन्त्रालयले जेठ १२ गते गरेको थियो ।

यसअघि जेठ ४ गते विरगन्जको नेशनल मेडिकल कलेजमा भर्ना भइ उपचार गराएका ७० वर्षीइ पुरुषको मृत्यु भएको थियो । श्वास प्रश्वासमा समस्या भएर आइसीयुमा उपचार गराएका उनको उनको मृत्यु पश्चात गरिएको श्वाव परीक्षणमा कोरोना संक्रमण भएको पुष्टि भएको थियो ।
जेठ ७ गते गुल्मी मदानेका ४१ वर्षीय शिक्षकको रुपन्देहीको क्रिमशन अस्पतालमा उपचारका क्रममा मृत्यु भएको हो ।

जेठ ४ गते बाँके नरैनापुरका २५ वर्षीय युवाको क्वारेन्टाइनमै रहेका बेला मृत्यु भएको थियो भने जेठ १ गते सिन्धुपाल्चोककी २९ वर्षीया सुत्केरी महिलाको धुलीखेल अस्पतालमा उपचारको क्रममा मृत्यु भएको थियो । उनको कोरोना संक्रमणबाट मृत्यु भएको घोषणा जेठ ३ गते गरिएको थियो । उनी कोरोना संक्रमणबाट नेपालमा मृत्यु हुने पहिलो व्यक्ति हुन् ।