Sansar News
नेपाल एशोसियसन (एनआरएनए) यूएईका अध्यक्ष प्रकाश कोईरालाले नेपाल फर्कने टिकटको व्यवस्था गरिदिन्छु भन्दै ठगी गर्ने गिरोहले ठग्न सक्ने भन्दै त्यसबाट सचेत रहन अनुरोध गरेका छन् ।
कोरोना भाइरस(कोभिड–१९) का कारण समस्यामा परेका नेपालीहरुलाई नेपाल सरकारले भोलिदेखि नेपालीहरुलाई फर्काउने क्रम सुरु गर्ने भएको छ ।
नेपाली फर्काउने क्रममा पहिलो फ़्लाइट यूएईबाट हुने सक्ने भन्दै अध्यक्ष कोइरालाले कोही कसैले पहिलो फ़्लाइटमै टिकटको व्यवस्था गरिदिन्छु भन्दै पैसा लिने गिरोहले सम्पर्क गर्न सक्ने हुँदा त्यस्ता ठगबाट बच्न सर्तक गराएका हुन् ।
उनी भन्छन् ‘यूएई बाट नेपालीहरुलाई स्वदेश फिर्तीको तयारी अन्तिम चरणमा रहेको र सम्भाव्य भोलीनै पहिलो फ़्लाइट हुने हुँदा तपाईको टिकट ब्यबस्था गरीदिन्छू भन्दै पैसा लिने गिरोहले सम्पर्क गरी तपाईलाई ठग्न सक्ने हुँदा त्यस्ता ब्यक्तिहरूबाट सचेत रहि ठगीन बाट बच्न हार्दिक अनुरोध गर्दछु ।’
दूताबासको आधिकारिक सूचना बेगर टिकट नलिन र पैसा नबुझाऊँन पनि उनले सबैसँग अनुरोध गरेका छन् ।
साथै उनले नेपाली फर्काउन लागेको भन्दै व्यवस्थापन पक्ष नेपाल सरकार र नेपाली दूताबासप्रति कृतज्ञता व्यक्त गरेका छन् ।
वि.सं.२०७७ जेठ २२ बिहीवार १९:०३ मा प्रकाशित
