हामी सबैकाे संसारन्यूज

२३ जेठ, काठमाण्डौं । कोरोना भाइरसका कारण युएईमा अलपत्र परेका १६९ जना नेपालीको उद्धार गरेर नेपाल ल्याइएको छ ।

युएईको सारजाह विमानस्थलबाट नेपाली बोकेर उडेको एयर अरेवियाको विमान  शुक्रबार ५ बजेर ३५ मिनेटमा त्रिभुवन अन्तराष्ट्रिय विमानस्थलमा उत्रिएको हो ।  नेपाल उत्रिएका  १६९ जनामा एक बालक पनि रहेको बताइएको छ ।

उनीहरुलाई उपत्यकामा रहेका बिभिन्न होल्डिङ सेन्टरमा राखिने बताइएको छ । उनीहरुको व्यवस्थापनको जिम्मा नेपाली सेनालाई दिइएको छ ।

तयसैगरी आजै जापानबाट पनि ७ जना नेपालीको उद्धार गरिएको छ ।  स्वास्थ्य सामग्री बोकेर आएको उक्त नेपाल एयरलाइन्सको जहाजले ७ जना नेपाली पनि ल्याएको बताइएको छ । उक्त जहाज दिउसो ४ बजे विमानस्थलमा ल्याण्ड गरेको हो ।

सरकारले आजबाट खाडी लगायतका देशमा कोरोनाका कारण अलपत्र परेका नेपालीहरुको उद्धार कार्य सुरु गरेको हो । आजै म्यानमारी सेनाको एयरफोर्सले म्यानमारमा अलपत्र परेका २६ जना नेपालीलाई नेपाल लिएर आएको थियो ।