Sansar News
२३ जेठ, काठमाण्डौं । नेपालमा आज एकैदिन ४३ जना कोरोना संक्रमणबाट मुक्त भएका छन् ।
स्वास्थ्य मन्त्रालयका अनुसार पछिल्लो २४ घण्टामा कोरोना संक्रमणबाट निको हुनेमा निको हुनेमा विपी कोइराला स्वास्थ्य विज्ञान प्रतिष्ठान धरानबाट १५ देखि ४५ वर्ष उमेर समुहका ३ जना डिस्चार्ज भएका हुन् । झापाका उनीहरु ७ देखि ११ दिनको अस्पताल बसाईपछि डिस्चार्ज भएका हुन् ।
त्यसैगरी कोशी अस्पताल बिराटनगरबाट २७ जना डिस्चार्ज भएका छन् । धनकुटा, खोटाङ, उदयपुर, सप्तरी, सुनसरी र झापाका उनीहरुमा १६ देखि ५७ वर्ष उमेर समुहका उनीहरु ४ महिला र २३ जना पुरुष रहेका छन् । उनीहरु ६ देखि ११ दिनमा डिस्चार्ज भएका हुन् ।
सुशिल कोइराला प्रखर अस्पताल र लायन्स डेन्टल अस्पताल बाँकेबाट १३ जना डिस्चार्ज भएका छन् । १६ देखि ५५ वर्ष उमेर समुहका उनीहरुमा १ महिला र १२ पुरुष रहेका छन् ।
उनीहरु १४ देखि ३० दिनमा डिस्चार्ज भएका हुन् । हालसम्म ३३३ जना कोरोना संक्रमणबाट मुक्त भएकामा २७२ जना पुरुष र ६१ जना महिला रहेका छन् ।
वि.सं.२०७७ जेठ २३ शुक्रवार १८:२५ मा प्रकाशित
