Sansar News
१ असार, काठमाण्डौं । नेपालमा आज पनि कोरोना संक्रमणबाट ६७ जना मुक्त भएका छन् । स्वास्थ्य मन्त्रालयका अनुसार पछिल्लो २४ घण्टामा निको भएर डिस्चार्ज भएकामा ६० पुरुष र ७ महिला गरी ६७ जना रहेका छन् ।
मन्त्रालयका अनुसार आज कोभिड १९ अस्पताल जनकपुरबाट २४ जना पुरुष, पाटन अस्पताल ललितपुरबाट ३ महिला र १ पुरुष गरी ४ जना र कोभिड १९ युनिफाइड अस्प्ताल बलम्बुबाट २ महिला डिस्चार्ज भएका हुन् ।
त्यसैगरी त्रिभुवन विश्वविद्यालय टिचिङ अस्पताल महाराजगन्जबाट १ महिला र १ पुरुष गरी २ जना, कलैया अस्पताल बाराबाट ६ जना पुरुष, साइकृष्ण आइसोलेशन सप्तरीबाट १७ जना पुरुष र कोरोना विशेष अस्पताल बेलझण्डी दाङबाट १ महिला र ११ पुरुष गरी १२ जना डिस्चार्ज भएका हुन् ।
आज कोरोना संक्रमणबाट मुक्त भएर डिस्चार्ज भएका ६७ जनासँगै नेपालमा हालसम्म कोरोना संक्रमणबाट मुक्त हुनेको संख्या १,०४१ पुगेको । जसमा महिला १०४, र पुरुष ९३७ जना रहेका छन् ।
आज ६१ जनाले कोरोनालाई जितेर घर फर्किए, निको हुनेको संख्या ९७४ पुग्यो
वि.सं.२०७७ असार १ सोमवार १७:२७ मा प्रकाशित
