हामी सबैकाे संसारन्यूज

३ असार, नयाँ दिल्ली भारत । अभिनेता सुशांत सिंह राजपूतको मृत्युपछि निर्माता–निर्देशक करण जोहर, संजय लीला भन्साली, एकता कपूर र अभिनेता सलमान खान लगायत आठ व्यक्ति विरुद्ध मुद्धा दर्ता गरिएको छ ।

भारतीय संचारमाध्यम अमरउज्यालाका अनुसार केही बलिउड स्टार र व्यक्तिले फिल्म उद्योगले गरेको शोषण र विभेदका कारण सुशांतले आत्महत्या गरेको भन्दै टिकाटिप्पणी गरेपछि उनीहरुविरुद्ध मुद्धा दर्ता गरिएको हो । सुशांतलाई आत्महत्या गर्न उक्साएको आरोप पनि उनीहरुको छ ।

करण जोहर, संजय लीला भन्साली, एकता कपूर र सलमान खान लगायत आठ व्यक्तिको विरूद्ध बिहारमा मुद्दा दर्ता गरिएको हो । अधिवक्ता सुधीर ओझाले मुजफ्फरपुर अदालतमा आईपीसीको धारा ३०६, १०९, ५०४ र ५०६ अन्तर्गत मुद्दा दर्ता गरेका छन् ।
पोस्टमार्टम रिपोर्टमा सुशांत सिंह राजपूत गम्भीर उदासिनताबाट गुज्रिरहेको उल्लेख छ ।

सुशांत सिंह राजपूतले गत आइतवार उनको मुम्बईको घरमा झुण्डिएर आत्महत्या गरेका थिए ।