काठमाडौं । अमेरिकी राष्ट्रपति डोनाल्ड ट्रम्पले आगामी राष्ट्रपतीय चुनावमा चीनसँग सहयोग मागेको खुलासा भएको छ । अमेरिकाका पूर्व राष्ट्रिय सुरक्षा सल्लाहकार जोन बोल्टनले आगामी राष्ट्रपतीय चुनाव २०२० को लागि ट्रम्पले चिनियाँ राष्ट्रपति शी जिनपिंगसँग सहयोग मागेको खुलासा गरेका हुन् ।
उनले आफ्नो किताबे ‘द रुम व्हेयर इट हैपेण्ड’मार्फत आगामी चुनावको लागि चिनियाँ राष्ट्रपतिसँग ट्रम्पले सहयोग मागेको खुलाएका हुन् । गत २९ जुनमा ओसाकामा भएको जी २० को समिटमा ट्रम्प र जिनपिंगबीच भएको भेटघाटमा ट्रम्पले उक्त प्रस्ताव राखेको जोन बोल्टनको दाबी छ ।
बोल्टनको किताबमा ट्रम्पमाथि लगाइएको महाभियोगबारे पनि कयौं गोप्य कुरा राखिएको छ । साइमन एण्ड चस्टरद्वारा प्रकाशित पुस्तक २३ जुनमा सार्वजनिक हुने कार्यक्रम थियो ।
ह्वाइट हाउसद्वारा किताबमाथि प्रतिबन्ध
ह्वाइट हाउसले भने उक्त किताबमाथि प्रतिबन्ध लगाउने आदेश गरेको छ । किताबमा अमेरिकाको गोप्य जानकारी भएको भन्दै प्रतिबन्धको आदेश गरेको हो । प्रतिबन्धित भएपनि किताबको केहि अंश बुधबार न्यूयोर्क टाइम्स, द वाशिंगटन पोस्ट र द वाल स्ट्रीट जर्नलमा प्रकाशित भएको छ ।
बोल्टनको किताबमा ट्रम्पमाथि लगाइएको महाभियोगबारे पनि कयौं गोप्य कुरा राखिएको छ । साइमन एण्ड चस्टरद्वारा प्रकाशित पुस्तक २३ जुनमा सार्वजनिक हुने कार्यक्रम थियो ।
जोन बोल्टनलाई पछिल्लो वर्ष राष्ट्रपति ट्रम्पले सुरक्षा सल्लाहकारको पदबाट बर्खास्त गरेका थिए । एजेन्सीबाट
वि.सं.२०७७ असार ४ बिहीवार १६:१४ मा प्रकाशित