हामी सबैकाे संसारन्यूज

१७ असार, काठमाडौं । सेयर बजारमा लगातार दोस्रो दिन पनि सर्किट लागेको छ । लामो समय पछि सोमबारबाट खुलेको बजारमा पहिलो दिन नकारात्मक सर्किट लागेर बजार २० मिनेट बन्द भएको थियो । यद्यपी त्यस दिन बजार पुरै समय खुलेको थियो ।

तर मंगलबार भने बजारमा पासा पल्टियो । बजार खुलेको करिब डेढ घन्टामा ५ प्रतिशतले बजार बुलिङ् भएर ४० मिनेका लागि कारोबार स्थगित भयो । पुनः बजार खुलेको केहि समयमा नै नेप्सेमा ६ प्रतिशत भन्दा बढीको बृद्धि देखिए पछि मंगलबार बजार बन्दै भयो ।

बुधबार पुनः अघिल्लो दिनकोजस्तै अबस्था देखिएको छ । बजार खुलेको करिब ३६ मिनेटमा नेप्सेमा ५ प्रतिशतको बृद्धि देखिएपछि बजार ४० मिनेटको लागि स्थगित भएको छ ।