हामी सबैकाे संसारन्यूज

१८ असार, काठमाण्डौं । नेपालमा विहिबार (१८ असार) सम्म पिसीआर प्रविधिबाट २ लाख ३७ हजार ७६४ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा ४५३७ वटा मात्र पिसीआर नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

मन्त्रालयका अनुसार हालसम्म देशका विभिन्न अस्पताल र आइसोलेसन सेन्टरमा १०,१३७ जनाको उपचार भइरहेको छ । साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ३८,१०९ रहेको छ ।

हालसम्म नेपालमा संक्रमितको संख्या १४,५१९ पुगेको छ भने आज निको भएर ६६४ जना डिस्चार्ज भएसँगै नेपालमा हालसम्म ५,३२० जना कोरोना संक्रमणबाट मुक्त भएर अस्पतालबाट डिस्चार्ज भएका छन् । साथै आज एक बालकको मृत्यु भएको पृष्टि भएसँगै हालसम्म नेपालमा कोरोना संक्रमणबाट मृत्यु हुनेको संख्या ३१ रहेको छ ।

आज काठमाण्डौंका २८ जनासहित ४७३ जनामा
नेपालमा आज ४७३ जना कोरोना संक्रमणका नयाँ विरामी भेटिएका छन् । स्वास्थ्य मन्त्रालयका अनुसार आज संक्रमण पुष्टि भएका ४७३ जनामा १०९ महिला र ३६४ पुरुष रहेका छन् ।

आज सबैभन्दा बढी कैलालीमा १६५ जना, डोटीमा ५८ जना, बझाङमा ३५ जना, अछामा ३१ जना, कन्चनपुरमा ३१ जना, धनुषामा ३० जना र काठमाण्डौंमा २८ जनामा संक्रमण पुष्टि भएको छ ।

लम्जुङमा १६, महोत्तरीमा १३, सप्तरीमा १०, मोरङमा ६, सुनसरीमा ४, दाङमा ४ सिन्धुपाल्चोक, तनहुँ र दैलेखमा ३÷३ जना, ललितपुर, चितवन, बर्दिया, भक्तपुर, स्याङजा, दोलखा, पर्वत र अर्घाखाँचीमा २÷२ जना, झापा, खोटाङ, धादिङ, गोर्खा, काभ्रे, मकवानपुर, पाल्पा, रामेछाप, रुपन्देही, सिन्धुली, उदयपुर, नवलपरासी, सिन्धुपाल्चोक, रसुवा, नुवाकोट, बाग्लुङ, कास्की र कालिकोटमा १÷१ जना गरी आज जम्मा ४७३ जनामा कोरोना संक्रमण भएको स्वास्थ्य मन्त्रालयको नियमित पत्रकार सम्मेलनमा जानकारी दिइएको छ ।

आज काठमाण्डौंका २८ जनासहित ४७३ जनामा कोरोना संक्रमण, नेपालमा संक्रमितको संख्या १४,५१९ पुग्यो

आज पुष्टि भएका ४७३ जनामा १०९ महिला र ३६४ पुरुष रहेका छन् ।  आज ४७३ जना संक्रमित भेटिएसँगै नेपालमा कूल संक्रमितको संख्या १४,५१९ पुगेको छ । जसमा १८८३ जना महिला र १२,६३६ जना पुरुष रहेका छन् ।

आज पनि ६६४ जनाले कोरोनालाई जितेर घर फर्किए, निको हुनेको संख्यां ५,३२० पुग्यो
नेपालमा कोरोना संक्रमणबाट निको भएर घर फर्किनेको संख्या दिनप्रतिदिन बढीरहेको छ ।
स्वास्थ्य तथा जनसंख्या मन्त्रालयका अनुसार आजपनि देशका विभिन्न अस्पताल तथा आइसोलेशन सेन्टरमा रहेर उपचार गराएकाहरुमध्ये ६६४ जना कोरोना संक्रमणबाट निको भएर अस्पतालबाट डिस्चार्ज भएका छन् ।

स्वास्थ्य मन्त्रालयका अनुसार पछिल्लो २४ घण्टामा निको भएका ६६४ जनासँगै नेपालमा हालसम्म कोरोना संक्रमणबाट निको हुनेको संख्या ५,३२० रहेको छ ।
स्मरणरहोस् नेपालमा बुधबारमात्रै १४६२ जना कोरोना संक्रमणबाट निको भएर घर फर्किएका थिए ।

नेपालमा कोरोना संक्रमणबाट ४८ दिने शिशुको मृत्यु, मृतकको संख्या ३१ पुग्यो
नेपालमा आज कोरोना संक्रमणबाट एक शिशुको मृत्यु भएको पुष्टि भएको छ । स्वास्थ्य मन्त्रालयका अनुसार आज मृत्यु भएको पुष्टी भएकोमा धौलागिरी नगरपालिका वडा नं ४ म्याग्दी घर भई त्रिवि शिक्षण अस्पताल (टिचिङ) मा उपचाररत एक शिशुको बुधबार (असार १७ गते) साँझ ४ बजे उपचारका क्रममा मृत्यु भएको हो ।

असार ९ गते उक्त अस्पतालमा उपचारका लागि भर्ना गरिएका उनको लामो समयदेखि स्वास्थ्यमा समस्या देखिएकाले भेन्टिलेटरमा राखेर उपचार गरिएको थियो । उनको पहिलोचरणको डाइलोसिस समेत भएको मन्त्रालयले जानकारी दिएको छ ।  संक्रमणबाट ती शिशुको मृत्यु भएसँगै नेपालमा कोरोना संक्रमणबाट मृत्यु हुनेको संख्या ३१ पुगेको छ ।

नेपालमा हालसम्मको कोरोना अपडेटः १४,०४६ जना संक्रमित, ३० को मृत्यु, आइसोलेसनमा ९,३६० जना