Sansar News
२० असार, काठमाडौँ । नेपाल कम्युनिष्ट पार्टी(नेकपा)का प्रवक्ता नारायणकाजी श्रेष्ठले राष्ट्रपति जस्तो सम्मानित संस्थालाई आ–आफ्नो स्वार्थमा नतान्न आग्रह गरेका छन् ।
प्रधानमन्त्री तथा नेकपाका अध्यक्ष केपी शर्मा ओलीले राष्ट्रपति विरुद्ध महाअभियोग ल्याउने गम्भिर षड्यन्त्र भएको भन्ने अभिव्यक्ति दिएलगत्तै प्रवक्ता श्रेष्ठले यस्तो आग्रह गरेका हुन् ।
हाम्रो राष्ट्राध्यक्ष राष्ट्रपति सम्मानित संस्था हो।यो गरिमामय सँस्थालाई कसैले पनि आ-आफ्नो स्वार्थका लागि विवादमा नतानौं।राष्ट्रपतिको बिरुध्द महाअभियोग प्रस्ताव ल्याउने अनर्गल झुठा प्रचार कसैले नगरौं।राष्ट्रपति संस्थाको अवमुल्यन नगरौं।राष्ट्रपतिज्यु स्वयंको पनि ध्यान जाने नै छ।
— NKShresthaPrakash (@nksthaprakash) July 4, 2020
सामाजिक सञ्जाल टिव्टरमार्फत उनले दिएको अभिव्यक्तिमा राष्ट्राध्यक्ष राष्ट्रपति सम्मानित संस्था भएको हुँदा यो गरिमामय सँस्थालाई कसैले पनि आ–आफ्नो स्वार्थका लागि विवादमा तान्न नहुने बताएका छन् ।
उनले भनेका छन् ‘राष्ट्रपतिको बिरुध्द महाअभियोग प्रस्ताव ल्याउने अनर्गल झुठा प्रचार कसैले नगरौं। राष्ट्रपति संस्थाको अवमुल्यन नगरौं। राष्ट्रपतिज्यु स्वयंको पनि ध्यान जाने नै छ।’
प्रधानमन्त्री ओलीले शनिबार साँझ राष्ट्रपतिलाई भेटे लगत्तैको मन्त्री परिषद्को बैठकमा राष्ट्रपति विरुद्ध महाअभियोग प्रस्ताव ल्याउने षड्यन्त्र भएको भन्दै मन्त्रीहरुलाई आफ्नो पक्षधरता बारे शिघ्र निर्णयमा तयार हुन भनेका थिए ।
वि.सं.२०७७ असार २० शनिवार २२:१५ मा प्रकाशित
