हामी सबैकाे संसारन्यूज

२२ असार, काठमाडौँ । आज सोमबार हुने भनिएको नेपाल कम्युनिष्ट पार्टी (नेकपा) को स्थायी समितिको बैठक बुधबार सम्मका लागि स्थगीत भएको छ ।

पटक-पटक स्थगित हुँदै आएको बैठक सोमबार (आज) ११ बजे हुने निश्चित प्राय थियो । यस बिचमा प्रधानमन्त्री तथा नेकपा पार्टी अध्यक्ष केपी शर्मा ओली र पुष्पकमल दाहाल ‘प्रचण्ड’ वीच ३ पटक ‘वान टु वान’ वार्ता, ओली सहित शीर्ष नेताको भेटघाट, वामदेवसँगको विशेष भेट, प्रचण्ड र ओली निकट नेताहरुको भेट हुँदै आएको छ ।

नेकपाभित्र एक व्यक्ति एक पद नै लागु हुनुपर्ने आवाज कार्यकर्ताको ठूलो पंक्तिले उठाएका छन् । कोही बेरोजगार र कोही भ्याइ–नभ्याइ जस्तो भैरहेको स्थितिमा प्रधानमन्त्री केपी ओली थोरै मात्र लचक बनेमा पार्टी सुदृढ भएर जाने कार्यकर्ताको सुझाव देखिएको छ ।

ओली पक्षिय नेताहरुले पनि प्रधानमन्त्री ओली नै रहने, पार्टीले बनाएर निर्णय गर्ने तथा पार्टीका पुर्ण कार्यकारी अध्यक्ष प्रचण्डलाई दिने एवं झलनाथ, माधव र बामदेव जस्ता वरिष्ठ नेतालाई सम्मानका साथ भूमिका दिने विषयमा प्रचण्डसँग सहमति जनाए पनि ओलीले त्यसलाई प्रष्ट्याउन हिचकिचाएका थिए ।

नेकपा स्थायी समिति सदस्य गणेश शाहका अनुसार एकतालाई सुदृढ गर्ने गरी गृहकार्य भैरहेकोले बैठक स्थगीत भएको हो ।