Sansar News
काठमाडौं । धेरै अध्ययनले कोरोना भाइरसको संक्रमणबाट जोगिन मास्कको प्रयोग अति उपयोगी भएको देखाएको छ ।
संक्रमित व्यक्तिबाट संक्रमण फैलाउन नदिन र स्वस्थ व्यक्ति संक्रमित नहुन पनि मास्क अनिवार्य भएको तथ्यहरुले बताएका छन् । पछिल्ला अध्ययनहरुले हावाबाट पनि संक्रमण सर्न सक्ने तथ्य भेटिएसँगै माक्स त झनै अनिवार्य देखिएको छ ।
यस्तोमा यो रोगको संक्रमणबाट जोगिन नाक र मुख छोपिने गरि मास्क लगाउनु अनिवार्य देखिन्छ । सँगै कस्तो किसिमको मास्क र कसरी लगाउने भन्ने विषय पनि महत्वपूर्णं छ ।
हामीले आज तपाईंलाई कस्तो मास्क र कसरी लगाउने भन्ने विषयमा सहि जानकारी दिन खोज्दैछौं । जान्नुहोस् कस्तो मास्क प्रयोग गर्ने र कसरी प्रयोग गर्ने ?
कस्तो मास्क लगाउने ?
हालसम्मका अध्ययनले कोरोना भाइरसबाट आफुँ जोगिन र अरुलाई जोगाउन मास्क अनिवार्य देखाएको छ । यस्तोमा खासगरी केही मापदण्ड पुगेका मास्क मात्रै लगाउन पनि सिफारिस गरिएको छ ।
विश्व स्वास्थ्य संगठनले पनि खासगरी दुई खालका मास्क एन ९५ वा के एन ९५ र मेडिकल वा सर्जिकल मास्कलाई प्रयोग गर्न सुझाव दिएको छ । कतिपय कपडाको मास्क पनि प्रयोगमा ल्याइएपनि उक्त मास्कमा हुने छिद्रले कोरोना संक्रमण फैलन नरोक्ने बताइन्छ । अधिकांश कपडाका मास्क मापदण्ड नपुगेको पनि अध्ययनहरुले देखाएका छन् ।
मास्क सुरक्षित कसरी लगाउने ?
सफा हातले मात्रै मास्क पहिरिने ।
मास्क लगाउँदा तलको भागको चिउँडो र नाकमुख पुरै ढाक्ने ।
चिसो वा भिजेको मास्क प्रयोग गर्दै नगर्ने ।
प्रयोग गर्ने मास्कलाई पट्याउन वा खुम्च्याउने काम नगर्ने ।
मास्क खोलेर कान वा घाँटीमा झुण्ड्याउनु पनि हुँदैन् ।
एकपटक प्रयोग गरेको मास्कहरु फेरि फेरि प्रयोगमा ल्याउनु झनै असुरक्षित हुन्छ ।
लगाईरहेको मास्कको बाहिरपट्टिको भाग प्रदुष्ति हुने भएकाले यसलाई छुनु हुँदैन् ।
धेरै अध्ययनहरुले मास्कलाई ४ घण्टाभन्दा बढिसम्म प्रयोग गर्न नहुने देखाएको छ ।
वि.सं.२०७७ असार २३ मंगलवार १५:५१ मा प्रकाशित
