हामी सबैकाे संसारन्यूज

२६ असार, काठमाण्डौं । चर्चित लेखक खगेन्द्र संग्रौलाले केपी ओलीको ढल्न लागेको सिंहासन चिनियाँ राजदूत होउ यान्छीले धानिदिएकी हुन् भन्दै कटाक्ष गरेका छन् ।

कलमको तिखो प्रहारबाट पाठकको मनमा बस्न सफल भएका चर्चित लेख संग्रौलाले नेकपा डबल सी विचारधाराको छत्रछायाँमा आश्रित रहेको समेत बताएका छन् ।

‘नेकपा डबल सी विचारधाराको छत्रछायामा आश्रित छ । त्यसैले होला, चिनियाँ राजदूत होउ यान्छी नेकपा डबलको पोलिट ब्यूरोको गजुरको भूमिकामा छिन्,’सामाजिक संजाल फेसबुकमा संग्रौलाले लेखेका छन्, ‘अलिअघि खड्गप्रसाद ओलीको सिंहासन ढल्न लाग्दा यिनले थामिदिएकी थिइन् । यसपाला पनि थामिदिने भइन् कि कसो ? जय मौसमी राष्ट्रवाद ! जय महाचीन !

पछिल्लोपटक नेकपाभित्र चर्कदो विवाद र नेपालका लागि चीनकी रराजदूत होउ यान्छीको सक्रिय राजनीतिक भेटघाटका कारण नेपाली समाजमा उनका बारेमा बिभिन्न टिका टिप्पणी भइरहेका छन् ।