Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

कार्यकर्तालाई उद्धार र राहतमा लाग्न नेकपाको निर्देशन



२७ असार, कास्की । सत्तारुढ नेपाल कम्युनिष्ट पार्टी (नेकपा) जिल्ला कार्यालय कास्कीले प्राकृतिक विपद्को घडीमा सबैलाई सतर्कता अपनाउन आग्रह गर्दै पार्टी पङ्क्ति र जनवर्गीय सङ्गठनलाई राहत र उद्धारमा क्रियाशील हुन निर्देशन दिएको छ ।

पार्टी जिल्ला अध्यक्ष कृष्ण थापा र सचिव बखानसिंह गुरुङले शुक्रबार विज्ञप्ति जारी गरी जिल्लाका विभिन्न स्थानमा गएरातिको पहिरोमा परी सात जनाको मृत्यु भएको खबरले पार्टी स्तब्ध भएको जनाउँदै मृतकहरूमा भावपूर्ण श्रद्धाञ्जलि तथा परिवारजनमा समवेदना व्यक्त गरेका छन् । नेकपाले घाइतेहरूको शीघ्र स्वास्थ्य लाभको कामनासमेत गरेको छ ।

“मुलुक यतिबेला कोभिड–१९ को त्रासदीबाट गुज्रिरहेको छ, यतिनै बेला प्राकृतिक विपद्ले हामीलाई थप मर्माहत बनाएको छ । हाम्रो पार्टी हरेक सङ्कट र विपद्मा जनताको साथमा छ”, विज्ञप्तिमा भनिएको छ । नेकपाले नदी, किनार, भिरालो तथा जोखियुक्त क्षेत्रमा थप सतर्कता आवश्यक रहेकामा जोड दिँदै विपद्को घडीमा क्षतिको न्यूनीकरण, उद्धार एवं राहत तथा पुुर्नलाभजन्य कार्यका लागि सङ्घ, प्रदेश तथा स्थानीय सरकारले तदारुकताका साथ पहल अघि बढाउनसमेत माग गरेको छ ।

त्यसैगरी कास्की क्षेत्र नं १ बाट प्रतिनिधित्व गर्ने प्रतिनिधिसभा सदस्य खगराज अधिकारीले विज्ञप्ति जारी गरी प्राकृतिक प्रकोपबाट भएको मानवीय तथा भौतिक क्षतिप्रति दुःख व्यक्त गर्दै पार्टीका सम्पूर्ण कार्यकर्र्ताहरूलाई सतकर्ता अपनाउँदै सक्रियतापूर्वक उद्धारमा सहभागी हुन आग्रह गरेका छन् ।

पूर्वमन्त्रीसमेत रहेका नेता अधिकारीले पहिरोका कारण घरबारविहीन भएका परिवारको उद्धार तथा राहतमा जुट्न सरकारको ध्यानाकर्षणसमेत गराएका छन् ।


यो खबर पढेर तपाईलाई कस्तो महसुस भयो ?

तनहुँ । मोबाइल चार्ज गर्ने क्रममा सोमबार करेन्ट लागेर तनहुँमा एक महिलाको मृत्यु भएको

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

प्रेम परियार, नर्वे । गैरआवासीय नेपाली संघ (एनआरएनए) नर्वेद्धारा आयोजित एभरेष्ट कप फुटवल २०२२

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको