Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

भारतमा नेपालीको कपाल खौरेर टाउकोमा ‘श्रीराम’ लेखेर नेपाल र नेपालीको अपमान गर्ने व्यक्ति पक्राउ



३ असार, काठमाण्डौं । भारतमा नेपालीको कपाल खौरेर टाउँकोमा ‘श्रीराम’ लेखेका एक व्यक्ति पक्राउ परेका छन् ।

भानुभक्तको जन्मजयन्तीका अबसरमा अयोध्याबारे प्रधानमन्त्री केपी शर्मा ओलीले दिएको अभिव्यक्तिलाई लिएर भारतका विभिन्न धार्मिक संगठनद्धारा विरोध भइरहेको अवस्थामा एक व्यक्तिले एक नेपाली नागरिकको कपाल खौरेर टाउकोमा श्रीराम लेखिदिएको भिडियो शुक्रबार सामाजिक संजालमा भाइरल बनेको थियो ।

उक्त भिडियो सार्वजनिक भएलगत्तै भारतका लागि नेपाली राजदूत निलाम्बर आचार्यले उत्तर प्रदेशका मुख्यमन्त्री आदित्यनाथ योगीसँग यस विषयमा टेलिफोन संवाद गरेको र टेलिफोनका क्रममा मुख्यमन्त्री योगीले यस्तो कार्यगर्नेलाई कानुनी कारबाही गर्ने आश्वासन दिएका थिए ।

ती व्यक्ति विश्व हिन्दु सेनाका कार्यकर्ता रहेको र ती नेपालीलाई जर्वजस्ती नियन्त्रणमा लिएर उनको केस खौरिएर टाउकोमा श्रीराम लेख्न लगाई प्रधानमन्त्री केपी ओली र नेपालविरुद्ध नारा समेत लगाउन दवाव दिएका थिए ।

उक्त भिडियो विश्वहिन्दु सेनाकै अध्यक्ष अरुण पाठकले आफ्नो फेसबुकमा सेयर गरेका थिए । त्यसपछि प्रहरीले पाठकसहित अन्यविरुद्ध भेलुपुर थानामा एफआइआर दर्ता गरी अनुसन्धान अगाडि बढाएको थियो ।

सोहि क्रममा वाराणसी प्रहरीले नेपालीमाथि दुव्र्यवहार गर्ने सन्तोष पाण्डे नामका ती व्यक्तिलाई पक्राउ गरिएको पत्रकार सम्मेलनमार्फत् जानकारी दिएका थिए ।
‘भिडियोको व्याकराउण्डमा केही नारा पनि सुनिएको छ । उक्त भिडियो वाराणसीका एक व्यक्ति अरुण पाठकद्धारा आफ्नो फेसबुकमा सेयर गरिएको छ । उनी स्थानीय रुपमा एक संगठन चलाउँछन्,’ पत्रकार सम्मेलनमा वाराणसी प्रहरीका एसएसपीले भनेका छन्,‘ उक्त भिडियोमा छिमेकी देशका राजनीतिक तथा अन्य व्यक्तिका विरुद्ध टिका टिप्पणी गरिएको छ । यस प्रकरणको स्थानीय प्रहरीद्धारा गम्भीर रुपमा लिँदै अरुण पाठक र उनका अन्य साथीविरुद्ध भेलुपुर थानामा एफआइआर दर्ता गरिएको छ ।’

उनले यस घटनामा संलग्न अधिकांश व्यक्तिको पहिचान गरिएको र उक्त घटनामा जोडिएका सन्तोष पाण्डेलाई पक्राउ गरिएको बताए । पाण्डेले पूरै घटनाको भिडियो बनाएको र उनको मोबाइलमा भिडियो पनि भेटिएको तथा सन्तोषकै बयानका आधारमा अन्य व्यक्तिलाई पक्राउ गर्नका लागि विभिन्न ठाउँमा प्रहरी खटिएको पनि एसएसपीले जानकारी दिएका छन् ।

‘यस प्रकरणमा यो पनि अवगत गराउँदछौं कि, स्थानीय प्रहरीद्धारा आगामी दिनमा अत्यन्तै कठोर कारबाही समेत गरिनेछ ।’ एसएसपीले भनेका छन् ।

भारतमा बस्ने नेपालीमाथि ज्यादती, जबर्जस्ती मुण्डन गराई टाउकोमा लेखियो श्रीराम


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा