Sansar News
स्याङ्जा । नेपाल कम्युनिष्ट पार्टी (नेकपा) स्याङ्जाका अध्यक्ष सुर्यप्रसाद गैह्रे ‘पारस’ले बालगृहका बालबालिकासँग आफ्नो जन्मदिन मनाएका छन् । उनले स्याङ्जाको फेदिखोलास्थित बालगृहमा रहेका बालबालिकासँग खुसी साटेर जन्मदिन मनाएका हुन् ।
जन्मदिनको अवसरमा गैह्रेले बालगृहका बालबालिकालाई खाना खुवाएका थिए । उनले बालबालिकालाई १ महिनालाई पुग्ने खाजा र खाना पनि हस्तान्तरण गरेका छन् ।
जन्मदिनको अवसरमा बालगृह पुगेका उनले आगामी दिनमा पनि बालगृहलाई सहयोग गर्ने प्रतिवद्धता जनाए ।
अमोर सेवा नेपाल नामक संस्थाले सञ्चालन गरेको बालगृहमा हाल २३ बालबालिका रहेका छन् ।
वि.सं.२०७७ साउन ३ शनिवार २०:५५ मा प्रकाशित
