हामी सबैकाे संसारन्यूज

नेपाली जनसम्पर्क समिति अमेरिकाले विभिन्न विभागहरु बनाएको छ ।

जुलाई १९ मा बसेको समितिको भर्चुअल बैठकले विभिन्न विभाग गठन, च्याप्टर गठन तथा कार्यसमिति र सल्लाहकार समिति विस्तार गर्ने लगायतको निर्णय उक्त बैठकले गरेको छ । समितिका सभापति धनन्जयनरसिंह केसीको सभापतित्वमा बसेको बैठकले नेपाली कॉंग्रेसद्वारा अनुमोदित नेपाली जनसम्पर्क समिति अमेरिकाको विधान बमोजीम विभिन्न विभागहरू गठन गर्ने र संयोजक नियुक्त गरेको छ ।

जसअनुसार अनुशासन विभागमा संयोजक मुक्तिनाथ पन्त र सदस्यमा सुरेश हमाल (वेग) र सदस्य अर्जुन बम चयन गरिएका छन् ।
त्यस्तै संचार विभागमा संयोजक अनन्तराज सुवेदी, संगठन विभागमा संयोजक आंगछिरिंग शेर्पा र सचिवमा संगीता सेन्चुरी चयन गरिएका छन् भने युवा सशक्तिकरण विभागमा संयोजक अनुप अधिकारी, प्रशिक्षण विभागमा संयोजक खड्ग उप्रेती चयन गरिएका छन् सबै विभागलाई ९ सदस्यीय समिति बनाई कार्यसमितिको आगामी बैठकमा पेश गर्न भनिएको छ ।

हाल सियाटल निवासी डिल्ली बहादुर भण्डारीलाई कार्यसमितिको सल्लाहकार नियुक्त गर्ने निर्णय पनि बैठकले गरेको महासचिव सुभाष घिमिरेले जनाए ।

सो बैठकले गरेका निर्णयहरु निम्न रहेका छन् :

मिति जुलाई १९, २०२० का दिन नेपाली जनसम्पर्क समिति अमेरिकाको भर्चुअल बैठक समितिका सभापति धनन्जयनरसिंह केसीज्यूको सभापतित्वमा बसी निम्न प्रस्तावहरूमाथि छलफल गरी निम्न निर्णयहरू गरियो ।

प्रस्ताव नं १) नेपाली काॅंग्रेसद्वारा अनुमोदित नेपाली जनसम्पर्क समिति अमेरिकाको विधान बमोजीम विभिन्न विभागहरू गठन गर्ने र संयोजक नियुक्त गर्ने संबन्धमा ।

प्रस्ताव नं १ माथि छलफल हुॅंदा निम्न लिखित विभागहरू गठन गर्ने र विभाग प्रमुखहरू नियुक्त गर्ने निर्णय गरियो ।
१)अनुशासन विभाग
संयोजक- मुक्तिनाथ पन्त
सदस्य-सुरेश हमाल (वेग)
सदस्य-अर्जुन बम

२)संचार विभाग
संयोजक- अनन्तराज सुवेदी
(संयोजकले ९ सदस्यीय समिति बनाई कार्यसमितिको आगामी बैठकमा पेश गर्ने)

३)संगठन विभाग
संयोजक- आंगछिरिंग शेर्पा
सचिव- संगीता सेन्चुरी
(जम्मा ९ सदस्यीय समिति बनाई संयोजकले कार्यसमितिको आगामी बैठकमा पेश गर्ने)

४) युवा सशक्तिकरण विभाग
संयोजक-अनुप अधिकारी
(संयोजकले ९ सदस्यीय समिति बनाई कार्यसमितिको आगामी बैठकमा पेश गर्ने)

५) प्रशिक्षण विभाग
संयोजक- खड्ग उप्रेती
(संयोजकले ९ सदस्यीय समिति बनाई कार्यसमितिको आगामी बैठकमा पेश गर्ने)

प्रस्ताव नं २- सल्लाहकार समितिमा सदस्य थप गर्ने संबन्धमा

उपरोक्त प्रस्तावमा छलफल गर्दा हाल सियाटल निवासी डिल्ली बहादुर भण्डारीलाई कार्यसमितिको सल्लाहकार नियुक्त गर्ने निर्णय गरियो ।

प्रस्ताव नं ३) वीपी स्मृति दिवश मनाउने संबन्धमा

प्रस्ताव नं ३ माथि छलफल हुॅंदा सल्लाहकार समितिका सदस्यद्वय विष्णु सुवेदी र कृष्ण लामिछानेले यस संबन्धी संपूर्ण निर्णय गरी दुई दिनभित्र समितिलाई जानकारी गराउने निर्णय गरियो ।

प्रस्ताव नं ४-पत्रकार सम्मेलन गर्ने संबन्धमा

प्रस्ताव नं ४ माथि छलफल हुॅंदा नेपाली जनसम्पर्क समिति अमेरिका संबन्धी संपूर्ण विस्तृत जानकारी धनन्जयनरसिंह केसी, विष्णु सुवेदी, कृष्ण लामिछाने, मिंगमार शेर्पा, ईश्वर सापकोटा, प्रतिक पाण्डे, सुभाष घिमिरे र प्रमोद सिटौलाले जुलाई २४, ४ बजे (न्यूयोर्क समय) संयुक्त पत्रकार सम्मेलन गर्ने निर्णय गरियो ।

प्रस्ताव नं ५-च्याप्टर गठन तथा कार्यसमिति र सल्लाहकार समिति विस्तार गर्ने संबन्धमा

प्रस्ताव नं ५ माथि छलफल हुॅंदा धनन्जय नरसिंह केसी, विष्णु सुवेदी, कृष्ण लामिछाने, भक्त थापा, मिंगमार शेर्पा, सुभाष घिमिरे र प्रमोद सिटौला सम्मिलित समिति गठन गर्ने र उक्त समितिले आपसमा सल्लाह गरी कार्यसमितिको आगामी बैठकमा निर्णय पेश गर्ने निर्णय गरियो ।

सुभाष घिमिरे
महासचिव
नेपाली जनसम्पर्क समिति अमेरिका

स्मरण रहोस् : केही समयअघि अध्यक्ष गोरख (आनन्द) विष्टले पदावधि सकिए पनि अवैधानिक तबरले समितिमा कब्जा जमाउदै आएको भन्दै समितिका वरिष्ठ सभापति लगायत ११८ जनाले विरोध जनाउँदै पार्टी सभापतिलाई पत्र पठाएका थिए ।

( हेर्नुहोस् यो लिंक)
https://sansarnews.com/214825/

समितिका वरिष्ठ उपाध्यक्ष धनन्जयनरसिंह केसी लगायतको यो समूहले महाधिवेशन सम्पन्न गरी कामकार्वाहीहरु अघि बढाएको छ ।