हामी सबैकाे संसारन्यूज

भारतका पूर्वप्रधानमन्त्री राजिव गान्धिको हत्याको अभियोगमा २९ वर्षदेखि जेल सजाय भोगिरहेकी नलिनीले सोमबार जेलमै आत्महत्या गर्ने प्रयास गरेकी छन् ।
उनले जेलमा आफ्नो सेलमा रहेका कैदीलाई अर्को ठाउँमा सार्न माग गरेकी थिइन् ।

उनीहरु दुईबीच झगडा भएकोले उनले जेलरसँग यस्तो माग गरेपनि जेलरले नसुनेको जेलरसँग पनि झगडा भएपछि उनले यस्तो कदम उठाएको उनका वकिलले जानकारी दिएका छन् ।  उनले आत्महत्या गर्न लाग्दा जेलका कर्मचारीले बचाएको बताइएको छ ।

सन् १९९१ मा एक चुनावी र्यालीमा लिट्टेले गराएको आत्मघाती बम विष्फोट गराएर राजिव गान्धिको हत्या गरिएको थियो ।

सोहि अभियोगमा नलिनी तमिलनाडुको जेलमा २९ वर्षदेखि जेल सजाय काटिरहेकी छन् । पहिले उनलाई मृत्युदण्डको सजाय सुनाईएपछि पनि तमिलनाडु सरकारले सन् २००० मा मृत्युदण्डको सजयालाई जन्मकैदमा परिवर्तन गरिदिएको थियो ।

राजीव गान्धि हत्याकाण्डमा नलिनीका श्रीमान मुरगनसहित ६ जनाले सजाय भोगिरहेका छन् । नलिनी तमिलनाडुको वेल्लोर जेलमा सजाय काटिरहेकी छन् । उनकीको छोरीको जन्म पनि जेलमै भएको थियो । ऐजेन्सी