हामी सबैकाे संसारन्यूज

काठमाडौं । सत्तारुढ नेकपाका प्रवक्ता एंव सचिवालय सदस्य नारायणकाजी श्रेष्ठले पार्टी अध्यक्ष पुष्पकमल दाहाल ‘प्रचण्ड’लाई झुक्याएर राष्ट्रपति कार्यालय लगिएको चर्चा गलत भएको बताएका छन् । उनले अध्यक्ष प्रचण्ड राष्ट्रपति कार्यालयमा गएको तर कसैले झुक्याएर नगएको बताए ।

प्रचण्ड झुक्कीने खालको नेता पनि नभएको श्रेष्ठकाे टिप्पणी छ । स्थायी समिति बैठकपश्चात पत्रकारसँगको भेटमा उनले भने, ‘‘प्रचण्ड राष्ट्रपति कार्यालय जानुभएको सत्य हो, झुक्याएर लैजाने खालको कुरा होइन, झुक्याएर कसैले लैजाँदैन, कोही जाँदैन । जानु भएको सत्य हो, झुक्याएर लगेको भन्ने होइन।’

गत शनिबार सचिवालय बैठकपश्चात पार्टी अध्यक्ष प्रचण्ड अर्का अध्यक्ष केपी शर्मा ओलीसँगै राष्ट्रपति कार्यालय पुगेका थिए । सचिवालय बैठक लगत्तै ओलीसहित राष्ट्रपति कार्यालय पुगेको सन्दर्भमा अन्य नेताहरुले प्रश्न उठाएपछि उनले आफुँ परिवन्दमा परेर राष्ट्रपति कार्यालय पुगेको जवाफ दिएका थिए । जुन विषयले नेकपाभित्र अनौठौ तरंग पैदा गराएको थियो ।