हामी सबैकाे संसारन्यूज

७ साउन, काठमाडौँ । नेपालमा आज २ जनाको कोरोना संक्रमणबाट मृत्यु भएको पुष्टि भएको छ ।

स्वास्थ्थ तथा जनसंख्या मन्त्रालयका अनुसार आज मृत्यु भएको पुष्टि भएकामा धनुषाका १ र १ चिनियाँ नागरिकको उपचारका क्रममा मृत्यु भएको हो ।

आज धनुषा जिल्ला जनकपुर उपमहानगरपालिका ६० वर्षीय पुरुषको मृत्यु भएको हो । खोकी, उच्च ज्वरो र स्वाश प्रश्वासमा समस्या भएपछि साउन २ गते विपी कोइराला स्वास्थ्य विज्ञान प्रतिष्ठान धरानमा भर्ना गरि भेन्टिलेरमा राखि सघन उपचार गरिएको थियो । उनको साउन ६ गते मृत्यु भएको हो । उनमा गरिएको नमुना परीक्षणमा कोभिड–१९ पुष्टि भएको पनि स्वास्थ्य मन्त्रालयले जानकारी दिएको छ ।

त्यसैगरी ४९ वर्षीया चिनियाँ महिलाको पनि उपचारका क्रममा मृत्यु भएको छ । पोखरामा कार्यरत उनी मणिपाल अस्पतालमा उपचारका लागि भर्ना भएकी थिइन् । त्यहाँबाट थप उपचारका लागि साउन २ गते हेलिकप्टरबाट ग्रान्डि अस्पतालमा ल्याइएको थियो । उपचारका क्रममा कोरोना परक्षिणका लागि गरिएको नुमना संकलनमा उनमा कोरोना संक्रमण पुष्टि भएको थियो ।

ग्रान्डिबाट थप उपचारका लागि टिचिङ अस्पताल महाराजगन्जमा ल्याइएकी उनको उपचारका क्रममा साउन ७ गते उनको मृत्यु भएको मन्त्रालयले जानकारी दिएको छ । आज थप २ जनाको मृत्यु भएको पुष्टि भएसँगै नेपालमा कोरोना संक्रमणबाट मृत्यु हुनेको संख्या ४२ पुगेको छ ।

नेपालमा आज कोरोना संक्रमणबाट १ को मृत्यु, मृतकको संख्या ४० पुग्यो