हामी सबैकाे संसारन्यूज

८ साउन, काठमाण्डौं । नेपालमा आज १४७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज सबैभन्दा बढी कन्चनपुरमा ३० जना, दैलेखमा २४ जना, पर्सामा १७ जना र रुपन्देहीमा १३ जना संक्रमित भेटिएका छन् । साथै आज काठमाण्डौं उपत्यकामा ९ जनामा संक्रमण देखिएको छ ।

मन्त्रालयका अनुसार आज बीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा धनकुटाका २, सुनसरीका २ जना, कोशी अस्पताल विराटनगरमा गरिएको परीक्षणमा मोरङका ४ जना, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा झापाका १, मोरङका ४ जना, गजेन्द्र नारायण सिंह अस्पताल राजविराजमा गरिएको परीक्षणमा सिराहाका २, सप्तरीका ७ जना, नारायणी अस्पताल वीरगन्जमा गरिएको परीक्षणमा पर्साका १७ जना राष्ट्रिय जनस्वास्थ्य प्रयोगशाला टेकुमा गरिएको परीक्षणमा भक्तपुरका २ जनामा संक्रमण पुष्टि भएको छ ।

त्यसैगरी शुक्रराज ट्रपिकल तथा सरुवा रोग अस्पताल टेकुमा गरिएको परीक्षणमा ललितपुरका १, काठमाण्डौंका २ जना, भतरपुर अस्पताल चितवनमा गरिएको परीक्षणमा महोत्तरीका १ जना, पाटन अस्पतालमा गरिएको परीक्षणमा काठमाण्डौंका ३ जना, टिचिङ अस्पताल महाराजगन्जमा गएिको परीक्षणमा पर्वतका १ जना, स्टार अस्पताल सानेपामा गरिएको परीक्षणमा ललितपुरका १ जनामा संक्रमण पुष्टि भएको छ ।

पोखरा स्वास्थ्य विज्ञान प्रतिष्ठानमा गरिएको परीक्षणमा कास्कीका १ जना, प्रादेशिक क्षयरोग केन्द्र पोखरामा गरिएको परीक्षणमा कास्कीका १, स्याङजाका १ र पर्वतका २ जना,प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा रुपन्देहीका ११ जना, प्युठानका २ र नवलपरासीका १ जनामा संक्रमण पुष्टि भएको छ ।

लुम्बिनी प्रादेशिक अस्पताल बुटवलमा रुपन्देहीका २ जना, सुर्खेत प्रादेशिक अस्पताल सुर्खेतमा गरिएको परीक्षणमा सुर्खेतका ५ र सल्यानका १ जना, दैलेख प्रयोगशालमा गरिएको परीक्षणमा दैलेखका २४ जना, डडेल्धुरा अस्पतालको प्रयोगशालामा गरिएको परीक्षणमा डडेल्धुराका २, डोटीका ७ जना, सेति प्रादेशिक अस्पताल धनगढीमा गरिएको परीक्षणमा कैलालीका २, बझाङका १ र कन्चनपुरमा ३० जना गरी जम्मा १४७ जनामा संक्रमण पुष्टि भएको छ ।

आज थपिएका १४७ जनासँगै नेपालमा कोरोना संक्रमितको कूल संख्या १८ हजार २४१ पुगेको छ । कूल संक्रमित मध्ये हालसम्म १२ हजार ८४० जना निको भएर घर फर्किएका छन् । बाँकीरहेका ५,३५८ जना सक्रिय संक्रमितको विभिन्न अस्पताल तथा आइसोलेशन सेन्टरमा उपचार भइरहेको छ ।

नेपालमा आज १०० जनामा कोरोना संक्रमण, संक्रमितको संख्या १८ हजार नाघ्यो