हामी सबैकाे संसारन्यूज

८ साउन, काठमाडौँ । नेपाल धितोपत्र बोर्डले रिक्त रहेको १५ दरबन्दीहरुका लागि स्थायी पदपूर्तिका लागि आजबाट साउन १० गतेसम्म दरखास्त बुझाउन सकिने सूचना सार्वजनिक गरेको छ ।

यसअघि २०७६ चैत्र ६ गतेसम्म र दोब्बर दस्तुर तिरेर २०७६ चैत्र ११ गतेसम्म दरखास्त बुझाउने मिति तोकिएकोमा देशभर लकडाउन लागेसँगै दरखास्त संकलन गर्न नसकिएकोमा साउन ७ गतेबाट लकडाउन खुलेसँगै नयाँ मिति तोकेको हो । जसअनुसार आजबाट साउन १० गतेसम्म बुझाउन सकिने भएको हो ।

पदपूति समितिले सार्वजनिक गरेको सूचनामा यदि दरखास्त बुझाउने अन्तिम दिन बिदा पर्न गएमा कार्यालय खुलेको अर्कोदिनसम्म दरखास्त बुझाउन सकिने जनाइएको छ । सूचनामा उल्लेख भएको मिति अनुसार साउन १० गते शनिबार परेकोले आइतबार बुझाउन सकिने छ ।

दरखास्त बुझाउन पर्ने आवश्यक कागजात भने २०७६/११/१६ गतेको गोरखापत्रमा प्रकाशित सूचनामा उल्लेख भएअनुसारको हुने बताइएको छ ।