हामी सबैकाे संसारन्यूज

काठमाडौं । कोरोना महामारी सुरु भएको झण्डै ७ महिनापश्चात उत्तर कोरियामा पनि कोरोनाको संक्रमण देखिएको छ । उत्तर कोरियाको सरकारले कोरोना संक्रमण देखिएसँगै दक्षिण कोरियाली क्षेत्रसँग जोडिएका शहरहरुमा लकडाउनको घोषणा गरेको छ ।

उत्तर कोरियाको सरकारी सञ्चारमाध्यमले जनाएअनुसार भेटिएका कोरोना संक्रमित एक भगौडा हुन । उनी तीन वर्ष पहिले देश छोडेर भागेका थिए । उनी गत १९ जुलाईमा गैरकानूनी रुपबाट सीमा पार गरेर देश भित्रिएका थिए ।

संक्रमणको पुष्टी भएसँगै राष्ट्रपती किम जोंग उनले शनिबार पोलिट ब्यूरोको इमरजेन्सी बैठक बोलाई केहि क्षेत्रमा लकडाउन जारी गर्दै अलर्ट रहन निर्देश गरेका थिए । कोरिया सरकारले संक्रमितको पहिचान र सक्रमितको सम्र्पकमा आएका व्यक्तिको खोजी तिव्र बनाएको छ । संकास्पदलाई तत्कालै क्वारेन्टाईनमा लगिने व्यवस्था गरिएको छ ।

पहिलो संक्रमणको घटना

यदि कोरोना संक्रमण पुष्टी भएको खण्डमा उत्तर कोरियामा यो नै पहिलो आधिकारिक संक्रमणको घटना हुनेछ । यस वर्षको जनवरीमा छिमेकी देश चीनमा संक्रमण फैलिएसँगै उत्तरले सावधानी अपनाएको थियो । किमले सबै सीमा क्षेत्र सील गर्न निर्देश गरेका थिए । हजारौं मानिसलाई संक्रमणको आशंकामा क्वारेन्टाइनमा लगिएको थियो ।

महामारी भएमा देशमा पर्न सक्छ समस्या

उत्तर कोरिया विश्वको यस्तो देश जसले महामारीबाट बच्नको निमित्त सबैभन्दा पहिले कदम उठाएको थियो । चीन र रुससँग जोडिएको व्यापारिक सम्बन्ध पनि कोरोनालाई हेर्दै उत्तरले तत्काल बन्द गराएको थियो । जसको कारण उत्तरमा थुप्रै व्यावसायीक क्षेत्र समस्यामा आएका थिए ।

यहाँको स्वास्थ्य क्षेत्र विश्वभरमा सबैभन्दा उत्कृष्टमा गनिन्छ । यदि महामारी फैलीएमा भने यहाँ अवस्था नाजुक हुन जानेछ । कयौं देशले व्यापारीक सम्बन्ध तोडेको उत्तरमा महामारीले निकै आर्थिक समस्या पार्न सक्ने देखिन्छ । जहाँ औषधीको पनि समस्या हुनसक्नेछ । एजेन्सीबाट