हामी सबैकाे संसारन्यूज

१३ साउन, काठमाडौँ । वन तथा वातावरण मन्त्री शक्ति बस्नेतले आफूले बोलेको भन्दा फरक ढंगले समाचार तथा सामाजिक सञ्जालमा टिकाटिप्पणी भएको प्रति गम्भिर आपत्ति जनाएका छन् ।

यहि श्रावण २ गते चितवन माडी नगरपालिकाको कुसुमखोला क्षेत्रमा भएको घट्ना सम्बन्धमा आएका समाचार तथा टिकाटिप्पणीका सन्दर्भमा उनले सो आपत्ति व्यक्त गरेका हुन् ।

छलफलका क्रममा उठेका विषय सन्दर्भको अंशलाई लिएर कतिपय सञ्चार माध्यम र सामाजिक सञ्जालहरुमा आएका समाचार र प्रतिक्रिया हेर्दा आश्चर्य लागेको उनले बताएका छन्न् ।

मन्त्री बस्नेतले ‘चेपाङ्ग बस्तिमा काजिमान प्रजाको परिवार बस्ने घर भन्दा अलग्गै रहेको निजकै गोठमा आगजनि भएको र मकै हेर्नका लागि बनाएका अन्य केहि ब्यक्तिको मचानहरु समेत भत्काएको भन्ने प्रारम्भिक रिपोर्ट मन्त्रालयमा प्राप्त भएको र घट्ना एवं विषयको गंभिरता र संवेदनशिलतालाई ख्याल गरेर मन्त्रालयको तर्फबाट तत्काल छानविन समिति बनाई फिल्डमा खटाईएको र उहाँहरुको रिपोर्ट आईसके पछि मन्त्रालयको समग्र धारणा समितिमा राख्ने कुरा गरेको’ बताएका छन् ।

अझ परिस्थितिको गंभिरतालाई ध्यान दिदै कानुन तथा मानवधिकार समितिलाई समेत थप अध्ययनको लागि टिम पठाउनको लागी समेत आफूले अनुरोध गरेको, परिवर्तित समय र परिस्थितिमा आगजनि र हात्तीको प्रयोग उपयुक्त नहुने धारणा पनि ब्यक्त गरेको स्पष्ट पार्दै उनले स्वयं मन्त्रीकै पहलमा मन्त्रालयले छानविन समिति बनाएर पठाएको अवस्थामा उक्त रिपोर्ट नआँउदै मन्त्रीले आफ्नो निश्कर्ष प्रस्तुत गर्नु उपयुक्त नहुने कुरालाई ध्यानमा राखेर ब्यक्तिगत निश्कर्ष र मन्त्रालयको धारणा समितिमा प्रस्तुत नगरिएको समेत बताएका छन् ।

उनले सोमबार समितीको टोली काठमाण्डौं फर्किएको र प्रतिवेदनलाई अन्तिम रुप दिने काममा लागिरहेको जानकारी दिँदै अबको २र३ दिन भित्र समितिले प्रतिवेदन पेश गर्ने बताएका छन्।

उक्त प्रतिवेदनसहित विभिन्न क्षेत्रबाट भईरहेको अध्ययनको निश्कर्षहरुलाई समेत ध्यान दिदै मन्त्रालयले आधिकारिक धारणा प्रस्तुत गर्ने जानकारी दिँदै गल्ति कमजोरीको ढाकछोप होईना उचित कारवाहि गर्न मन्त्रालय सहित सरकार प्रतिवद्ध रहेको उल्लेख गरेका छन् ।