हामी सबैकाे संसारन्यूज

१६ साउन, काठमाडौँ । अष्ट्रेलियामा कोरोना भाइरसबाट संक्रमित हुनेको संख्या तिब्ररुपमा बढि रहेको छ । बिहिबारमात्र अष्ट्रेलियामा ७ सय भन्दा बढि कोरोना भाइरसका नयाँ संक्रमितहरु भेटिएका छन ।

बिहिबार सम्मको रिर्पोट अनुसार अष्ट्रेलियामा कोरोना संक्रमितको संख्या १६ हजार ५ सय ९ रहेको छ भने संक्रमणबाट मृत्यु हुनेको संख्या १ सय ९७ रहेको छ ।

पछिल्लोे २४ घण्टामा अष्ट्रेलियामा ७ सय २१ कोरोना भाइरसका नयाँ संक्रमितहरु थपिएका छन भने संक्रमणबाट १३ जनाको मृत्यु भएको छ ।

अष्ट्रेलियामा अहिले पनि ६ हजार ७ सय २६ जना संक्रमित अवस्थामै रहेका छन् भने ९ हजार ९ सय ८२ जना संक्रमणमुक्त भएका छन ।