हामी सबैकाे संसारन्यूज

१६ साउन काठमाडौं । रिलायन्स लाईफ ईन्स्योरेन्सले प्राथमिक कित्ता सेयर(आईपिओ) निस्कासनको अनुमति पाएको छ । धितो पत्र बोर्डले शुक्रबार आईपिओ जारी गर्न अनुमति दिएको हो । योसंगै रिलायन्स लाईफ चालु आर्थिक बर्ष २०७७/७८ मा आईपिओ जारी गर्न अनुमति पाउने पहिलो कम्पनी भएको छ ।

उक्त कम्पनीले कूल चुक्ता पूँजीको ३० प्रतिशत अर्थत रु १०० दरका ६३ लख कित्ता सेयर निस्कासन गर्न पाउँने छ । हाल कम्पनीको चुक्ता पूँजी १ अर्ब ४७ करोड रहेको तथा सेयर जारी गरिसकेपछि उसको चुक्ता पूँजी २ अर्ब १० करोड पुग्ने कम्पनीका प्रमूख कार्यकारी अधिकृत प्रबिण रमण पराजुलीले जानकारी दिएका छन ।

यो जीबन बीमा कम्पनीले सेयर निस्कासन तथा बाँडफाँडको जिम्मा सानीमा क्यापिटललाई दिएको छ ।

२०७४ साल मंंसिरमा स्थापना भएको यो कम्पनीले गत असार ९ गते सेयर निस्कासनको अनुमति माग्दै नियामक निकाय धितो पत्र बोर्डमा आबेदन दिएको थियो । अबेदन दिएको १ महिना ८ दिनमा उसले सेयर निस्कासनको अनुमति पाएको छ ।

“शुक्रबारमात्र बोर्डले सेयर निस्कासनको अनुमती दिएको छ,” प्रमूख कार्यकारी अधिकृत पराजुलीले भने “अब चाँडै नै सेयर निस्कासनको प्रकृया थाल्छौं ।”