हामी सबैकाे संसारन्यूज

काठमाडौं । समुदायस्तरमै कोरोना भाइरसको संक्रमण देखिएपछि विराटनगर महानगरपालिकामा फेरि लकडाउन गरिने भएको छ ।

विराटनगर महानगरपालिकाका प्रमुख प्रशासकीय अधिकृत इन्द्रमणि पोखरेले जानकारी दिएअनुसार शुक्रबार राती १२ बजेदेखि लागु हुने गरि आगामी ३० गतेसम्म लकडाउन गर्ने निर्णय भएको हाे ।

‘लकडाउन लगाउन हामीलाई असाध्यै आवश्यक पर्यो, समुदाय स्तरमै कोरोनाको संक्रमण धेरै देखा पर्यो’, अधिकृत पोखरेले भने, ‘स्थानीय स्तरबाटै लकडाउन लगाउनुपर्ने माग आएपछि लकडाउनको निर्णय भएको हो, लकडाउन आज राती १२ बजेदेखि लागु हुने गरी आगामी ३० गतेसम्म गर्ने निर्णय भएको छ ।’

लकडाउनको निर्णय प्रदेश सरकार र जिल्ला प्रशासनको समन्वयमा स्थानीय तहको सीसीएमसीले गरेको हो । अधिकृत पोखरेलले जनाएअनुसार शुक्रबारसम्म महानगरका १९ वडा मध्ये १७ वडामै कोरोना संक्रमित देखिएका छन् ।

महानगरभित्र हालसम्म १०० जनामा कोरोनाको संक्रमण पुष्टी भईसकेको छ ।