हामी सबैकाे संसारन्यूज

१७ साउन, काठमाण्डौ । नेपाली सुरक्षा गार्डलाई कुटेको भिडियो भाइरल भएपछि मलेसियन प्रहरीले अनुसन्धान शुरु गरेको छ ।

जलन मदरसाको पार्किङ स्थलमा भएको एक घटना उदृत गर्दै स्थानीय पत्रिका ‘द स्टार’ ले मलेसियन प्रहरीद्धारा अनुसन्धान शुरु गरेको बताएको हो ।

जुलाई ७ मा खिचिएको भिडियो हालैमात्र सार्वजनिक भएको र भाइरल बनेको कारण मलेशियन प्रहरी घटनाको अनुसन्धान र घटनाको कारण पत्ता लगाउन सक्रिय भएको छ । सो घटनाको बारेमा कसैलाई थाहा भएमा आफूहरुलाई जानकारी गराउन पनि मलेशियन प्रहरीले संपर्क नम्बर सहित आग्रह गरेको छ ।

भाइरल भएको भिडियोमा एक शंकास्पद् पाकिस्तानी नागरिकले नेपाली सुरक्षा गार्डलाई लठ्ठीले पिटेको प्रष्ट देखिएको छ ।
प्रहरीका अनुसार ०१६ ३७६ ७३९० , ०१६ २०१ ४३३४ अथवा क्वालालम्पुर प्रहरीको हटलाइन ०३ २११५ ९९९९ मा सुचना दिन सकिनेछ ।

यसैबीच  मलेसियास्थित नेपाली दूतावासले पनि सामाजिक सञ्जालमा सार्वजनिक भएको नेपाली सेक्युरिटी गार्डलाई कुटपिट गरेको भिडियो सम्बन्धमा गम्भिर ध्यानाकर्षण भएको जनाएको छ । दूतावासले सो घटनाको थप अनुसन्धानका निम्ति राजदूतावासको पहलमा मलेसिया प्रहरीमा प्रारम्भिक उजुरी गरिसकिएको जानकारी दिएको छ । साथै दूतावासले यस विषयमा थप जानकारी भएमा दूतावासको इमेल ठेगाना eonkualalumpur@mofa.gov.np वा हाम्रो हटलाइन नम्बर ०१६२४७२७७७ मा सम्पर्क गर्न समेत अपिल गरेको छ ।