Sansar News
काठमाडौं । मलेसियामा भएको कुटपिटको घटनाका पीडित र पीडक दुवै नेपाली भएको खुलेको छ । मलेसियास्थित नेपाली दूतावासले सोमबार एक विज्ञप्ती सार्वजनिक गर्दै घटनाको बारेमा जानकारी गराएको हो ।
विज्ञप्तीमा जनाइएअनुसार घटनाका पीडित र पीडक दुवै नेपाली रहेको र दुवै अवैधानिक रुपमा मलेसियामा कार्यरत रहेको भेटिएको छ । जनाइएअनुसार घटनाका पीडित व्यक्ति नवलपरासीका ईस्लाम हुसेन हुने भने पीडक कपिलवस्तुका रामगोपाल मुराउ हुन ।
सम्बन्धित समाचार
मलेसियामा कुटिएका नेपालीको घटनाबारे अनुुसन्धान शुरु
दूतावासले जनाएअनुसार कुटपिटको घटना ७ जुलाई २०२० को बिहान भएको थियो । पीडित व्यक्ति सेक्यूरिटी गार्ड र पीडक सोही कम्पनीमै सुपरभाईजरको रुपमा कार्यरत रहेका छन् ।
दूतावासले घटनाको भिडियो सार्वजनिक भएसँगै दुवैलाई सम्र्पकमा ल्याएर छलफल गरेको थियो । दूतावासले जनाएअनुसार अहिले घटनाबारे क्वालालम्पूरस्थित वाङ्सामाजुस्थित प्रहरी स्टेशनमा अनुसन्धान भईरहेको छ । अहिले दुवैजना प्रहरी नियन्त्रणमा छन् ।
वि.सं.२०७७ साउन १९ सोमवार १५:१७ मा प्रकाशित
