Sansar News
२४ साउन, काठमाडौँ । मौसम तथा पुवर्नानुमान महाशाखाका अनुसार हाल मनसुनी न्युन चापीय रेखा नेपाल भन्दा दक्षिणतर्फ अवस्थित छ ।
आज प्रदेश नं २ र प्रदेश नं ५ का केहि भु–भागहरुमा आंशिक बदली रहेको छ भने बाँकी भु–भागहरुमा समान्य देखि पूर्ण बदली रहेको छ । बागमती प्रदेश, गण्डकी प्रदेश, प्रदेश नं ५,कर्णाली प्रदेश र सुदुरपश्चिम प्रदेशका केही स्थानहरूमा बर्षा भईरहेको पनि महाशाखाले जनाएको छ ।
महाशाखाका अनुसार आज प्रदेश १, प्रदेश नं २, बागमती प्रदेश, गण्डकी प्रदेश र सुदुर पश्चिम प्रदेशकाका थोरै स्थानहरूमा भारी वर्षाको सम्भावना रहेको छ ।
भारी वर्षाका कारण उक्त स्थानहरुका नदीमा पानीको बहाव बढ्ने, पहाडी क्षेत्रमा भू–क्षय हुने, पहिरो जाने, सडक तथा हवाई यातायात प्रभावित हुने तथा ढल/पानीको राम्रो निकास नभएको ठाउँमा डुबान समेत हुन सक्ने भएकोले आवश्यक सतर्कता अपनाउन समेत महाशाखाले अनुरोध गरेको छ ।
वि.सं.२०७७ साउन २४ शनिवार ०८:१४ मा प्रकाशित
