Sansar News
२७ साउन, काठमाडौँ । भारतमा कोरोना भाइरसबाट संक्रमित हुनेको संख्या २२ लाख ५० हजार नाघेको छ । वल्डोमिटरका अनुसार भारतमा अहिलेसम्म कोरोना संक्रमितको संख्या २२ लाख ६७ हजार १ सय ५३ पुगेको छ भने संक्रमणबाट मृत्यु हुनेको संख्या ४५ हजार ३ सय ५३ रहेको छ ।
पछिल्लो २४ घण्टामा ५३ हजार १६ जना नयाँ कोरोना संक्रमितहरु भेटिएका छन भने संक्रमणबाट ८ सय ८७ जनाको मृत्यु भएको छ ।
विश्वभरमा कोरोना संक्रमित संख्या २ करोड २ लाख ४९ हजार ५ सय ५३ पुगेको छ भने ७ लाख ३८ हजार ७ सय २६ जनाको मृत्यु भएको छ ।
वि.सं.२०७७ साउन २७ मंगलवार ०९:२० मा प्रकाशित
