Sansar News
काठमाडौं । अमेरिकी राष्ट्रपति डोनाल्ड ट्रम्पका भाई रोबर्ट ट्रम्पको निधन भएको छ । अमेरिकी सञ्चार माध्यमले जनाएअनुसार रोबर्टको निधन शनिबार न्यूयोर्कको एक अस्पतालमा भएको हो ।
रोबर्ट ट्रम्प डोनाल्डका कान्छा भाई हुन् । उनी ट्रम्पका असाध्यै सहयोगी तथा नजिकका पनि हुन् ।
रोबर्टको निधनप्रति ट्रम्पले गहिरो दुःख व्यक्त गरेका छन् । उनले भाईको निधनले निकै ठूलो कमीको महसुस भएको बताएका छन् ।
७१ वर्षीया रोबर्ट केहि समयदेखि बिरामी थिए । केहि समयदेखि अस्पतालको विशेष उपचार कक्षमा उनको उपचार चलिरहेको थियो । उनको बिरामीबारे भने बाहिर सार्वजनिक गरिएको छैन् ।
गत अगस्ट १३ मा ट्रम्प भाईलाई भेट्न अस्पताल पुगेका थिए ।
वि.सं.२०७७ साउन ३२ आइतवार १२:०० मा प्रकाशित
