हामी सबैकाे संसारन्यूज

३२ साउन, काठमाडौं । लगानी बोर्डका प्रमुख कार्यकारी अधिकृत (सीईओ) सुशील भट्टलाई काम गर्न बाटो खुलेको छ । पाटन उच्च अदालतले सिईओ भट्टलाई काम गर्न बाटो खुला गरिदिएको हो।

आईतबार अदालतले उनको मुद्दामा अन्तरिम आदेश जारी गर्नु नपर्ने निर्णय गरेको छ । उच्च अदालतका न्यायाधीश द्वय  ईश्वरराज आचार्य र ठाकुरप्रसाद शर्मा पौडेलको संयुक्त इजलासले भट्टविरुद्धको मुद्दामा अन्तरिम आदेश जारी गर्नुनपर्ने आदेश दिएसँगै भट्टलाई काम गर्न बाटो खुलेको हो ।

गत साउन २७ गते नकुल सुवेदीको एकल इजलासले भट्टलाई काम नगर्न अल्पकालिन अन्तरिम आदेश दिएको थियो ।

गत साउन १९ गतेको बसेको मन्त्रिपरिषद् बैठकले राष्ट्रिय योजना आयोगका सदस्यसमेत रहेका भट्टलाई लगानी बोर्डको सीइओ नियुक्त गरेको थियो । राष्ट्रिय गौरबका आयोजना सहित कैयौँ महत्वपूर्ण आयोजनाहरु अलपत्र पारेको र उनको परिवारको नामको कम्पनी कालोसूचीमा पर्दा पनि आयोजनाका ठेक्काहरु हत्याउन भट्टको संलग्नता रहेको भन्दै चौतर्फी आलोचना भईरहेको छ ।