Sansar News
४ भदौँ, काठमाडौँ । सन्दिप लामिछाने आवद्ध टिम जमैका तलैवाजको दोस्रो खेल भोली बिहान ट्रिनबागो नाइट राइडर्स विरुद्ध हुन गईरहेको छ । जमैका तलैवाजले आफ्नो पहिलो खेलमा सेन्ट लुसिया जुउक्सलाई ५ विकेटले पराजित गरेको थियो । त्यसैगरी ट्रिनबागो नाइट राइडसले पनि आफ्नो पहिलो खेलमा सेन्ट किट्स एण्ड नेभिस प्याट्रियोसलनई ६ रनले पराजित गरेको थियो ।
पहिलो खेलमा नेपाली युवा लेग स्पिनर सन्दिप लामिछाने राम्रो प्रदर्शन गरेका थिए । उनले आफ्नो ४ ओभरमा २३ रन दिदैँ १ विकेट निकालेका थिए । पहिलो खेलमा राम्रो प्रदर्शन गरेका कारणले गर्दा यस खेलमा पनि सन्दिप प्लेइङ्ग इलेवन पर्ने सम्भावना उच्च रहेको छ ।
खेल नेपाली समय भोली बिहान ३:१५ बाट सुरु हुने छ ।
वि.सं.२०७७ भदौ ४ बिहीवार २०:५१ मा प्रकाशित
