Sansar News
१० भदौँ, काठमाडौँ । इंल्याण्ड क्रिकेट टिमका फास्ट बलर जेम्स एन्डरसनले टेस्ट क्रिकेटमा ६०० विकेट पुरा गरेका छन । उनले पाकिस्तान विरुद्धको खेलमा ६०० विकेट पुरा गरेका हुन ।
टेस्ट क्रिकेटमा फास्ट बलरकारुपमा ६०० विकेट लिने जेम्स एन्डरसन पहिलो खेलाडी बनेका छन । उनले इंल्याण्डका लागि १५६ टेस्ट खेलेका छन । १५६ खेलमैँ उनले टेस्ट क्रिकेटमा ६०० विकेट लिएका हुन । उनले पाकिस्तान विरुद्धको तेस्रो खेलमा ७ विकेट लिएका छन ।
पाकिस्तान र इंल्याण्ड बिचको तेस्रो तथा अन्तिम टेस्ट बराबरीमा रोकिएको छ । तेस्रो टेस्ट बराबरीमा रोकिए पनि ३ खेलको टेस्ट श्रृखला भने इंल्याण्डले १-० ले जित्न सफल भएको छ ।
इंल्याण्ड र पाकिस्तान बिच शुक्रबारबाट ३ खेलको टि-२० श्रृखला सुरु हुनेछ ।
वि.सं.२०७७ भदौ १० बुधवार ०९:५७ मा प्रकाशित
