हामी सबैकाे संसारन्यूज

काठमाडौं । फिल्म अभिनेता सलमान खानलाई ज्यान मार्ने धम्की दिएर चर्चामा आएका ग्यांगस्टार लोरेस बिश्नोई आफैं नै ज्यानको सुरक्षा खोजी गर्दै अदालत पुगेका छन् । भारतीय अनलाईन जागरणले जनाएअनुसार हरियाणा पुलिसको फर्जी इन्काउन्टरमा पर्ने डरले बिश्नोई अदालत पुगेका हुन् ।

उनले पञ्जाब एंव हरियाणाको उच्च अदालतमा ज्यान सुरक्षाको निवेदन दिएका छन् । निवेदनमा बिश्नोईले गत २१ जुलाईमा हरियाणा पुलिसले आफुँविरुद्व सिरसा र डबवाली हत्याको विषयलाई जोडेर मुद्दा दर्ता गरेको र त्यहिँ मुद्दाका आधारमा आफुँलाई वारेन्टमा लिएर इन्काउन्टर गर्न चाहेको कुरा खुलाएका छन् । उनले निवेदनमा हरियाणा पुलिसले नक्कली मुठभेड बनाएर आफुँलाई मार्न सक्ने भन्दै सुरक्षा मागेका छन् ।

बिश्नोई हाल राजस्थानको भरतपुरस्थित केन्द्रीय जेलमा सजायँ काटिरहेका छन् । उनले फिल्म अभिनेता सलमान खानलाई सन् २०१८ मा ज्यान मार्ने धम्की दिएका थिए । उनीविरुद्व त्यससमय जोधपुर अदालतमा मुद्दा चलेको थियो । पुलिस हिरासमै रहेको बेलामा सञ्चारमाध्यमसँगको अन्तरवार्तामा उनले खानलाई धम्की दिएका थिए ।

राजस्थानलगायतका धेरै राज्यहरुमा बिश्नोईको अवैध धन्द चल्ने गरेको छ । बिश्नोईमाथि जबरजस्ती चन्दा, हत्या र गोली हानेर मान्छे मारेको आरोप छ ।