Sansar News
काठमाडौं । कोरोना संक्रमणको आशंका भएपछि नार्गाजुन नगरपालिका मेयर मोहनबहादुर बस्नेत एकान्तबास (आइसोलेसन)मा गएका छन् । कोरोना संक्रमित वडा अध्यक्षसँगै रक्तदान कार्यक्रममा सरिक भएका उनि संक्रमणको आशंकामा आइसोलेसनमा गएका हुन् ।
मेयर बस्नेत नगरपालिकाकै वडा नं. ६ का वडाअध्यक्ष राजेन्द्र बुढाथोकीसँगै मंगलबार आयोजित रक्तदान कार्यक्रममा सरिक भएका थिए । सामान्य लक्षण देखिएको बुढाथोकीको मंगलबार साँझ कोरोना संक्रमण रिपोर्ट पोजेटिभ आएको थियो ।
नगरपालिका प्रवक्ता थुमराज केसीका अनुसार मेयर बस्नेतको रिपोर्ट आईसकेको छैन् । बस्नेत मंगलबारदेखि नै आइसोलेसनमा गएका हुन् ।
जनाइएअनुसार मेयर बस्नेतमा हालसम्म कुनै लक्षण भने देखिएको छैन् ।
वि.सं.२०७७ भदौ १७ बुधवार १६:०७ मा प्रकाशित
