Sansar News
काठमाडौं । काठमाडौं उपत्यकामा जारी निषेधाज्ञा थप एक साता लम्बिने भएको छ । बुधबार उपत्यकाका तीनवटै जिल्लाका प्रमुख जिल्ला अधिकारीहरुको बैठकले सो निर्णय गरेको हो । जसको औपचारिक निर्णय केहि बेरमा आउने जानकारी दिइएको छ ।
जनाइएअनुसार गृह मन्त्रालयसँगको परामर्शपछि निषेधाज्ञा थप्ने निर्णय गरिएको हो ।
यसअघि उपत्यकका मेयरहरुको फोरमले पनि न्यूनतम एक साता र बढिमा दुई सातासम्म निषेधाज्ञा लम्ब्याउन सुझाव दिएको थियो । मेयरहरुले निषेधाज्ञालाई थप कडा बनाउन र पीसीआर परिक्षणलाई व्यापक बनाउन सुझाव दिएका थिए ।
काठमाडौं उपत्यकामा गत भदौ ३ देखि लागु भएको निषेधाज्ञा भदौ १० मा पुनः ७ दिनका लागि थपिएको थियो । जुन बुधबार मध्यरातदेखि सकिँदैछ ।
सम्बन्धित समाचार
वि.सं.२०७७ भदौ १७ बुधवार १७:२५ मा प्रकाशित
