Sansar News
१७ भदौ, काठमाडौं । नेपालमा आज पनि कोरोना संक्रमणबाट १२ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ८ जिल्लाका १२ जनाको मृत्यु भएको छ । जसमा महिला ६ र पुरुष ६ गरी १२ जना रहेका छन् ।
आज मृत्यु भएका ६ महिलाहरुमा चितवनकी ५५ र १८ वर्षीया २ जना, काठमाडौंकी ८९ वर्षीया, ललितपुरकी ७० वर्षीया, तनहुँकी २० वर्षीया र कपिलवस्तुकी ६० वर्षीया गरी ६ महिला रहेका छन् ।
त्यसैगरी पुरुषहरुमा बाराका ९७ वर्षीया, चितवनका ६५ वर्षीय, भक्तपुरका ४० वर्षीय, काठमाडौंका ७० र ७५ वर्षीय २ जना र धादिङका ४७ वर्षीय गरी ६ जना रहेका छन् ।
आज मृत्यु भएका १२ जनासँगै नेपालमा कोरोना संक्रमणबाट मृत्यु हुनेको संख्या २५१ पुगेको पनि मन्त्रालयका प्रवक्ता डा् जागेश्वर गौतमले बताएका छन् ।
कोरोना संक्रमणबाट आज पनि ४ वर्षीया बालिकासहित ११ जनाको मृत्यु, मृतकको संख्या २३९ पुग्यो
वि.सं.२०७७ भदौ १७ बुधवार १७:११ मा प्रकाशित
