हामी सबैकाे संसारन्यूज

२० भदौं, काठमाण्डौं । नेपालमा शनिबार (२० भदौ) सम्म पिसीआर प्रविधिबाट ७ लाख ५७ हजार ९६३ वटा कोरोना भाइरसको नमुना परीक्षण गरिएको छ । जसमा पछिल्लो २४ घण्टामा पिसीआर प्रविधिबाट १२,४७३ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले शनिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १७ हजार ८७० जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ९,८६६ जनाको उपचार भइरहेको छ । साथै होम आइसोलेसनमा बस्नेको संख्या ८००४ रहेको छ ।

त्यसैगरी देशभरका विभिन्न अस्पतालको आइसीयुमा १६७ जना र भेन्टिलेटरमा २४ जना संक्रमित उपचाररत छन् ।

मन्त्रालयका अनुसार प्रदेश १ मा ३ प्रदेश २ मा २८, बागमती प्रदेशमा १०८, गण्डकी प्रदेशमा ५ र प्रदेश नं ५ मा २० र कर्णाली प्रदेशमा ३ जना गरी जम्मा १६७ जना आइसीयुमा उपचाररत छन् ।

त्यसैगरी प्रदेश १ मा १ जना, बागमती प्रदेशमा २० र प्रदेश ५ मा ३ जना गरी जम्मा २४ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, सुनसरी, धनुषा, पर्सा, वारा, रौतहट, सर्लाही, काठमाडौं ललितपुर, चितवन र रुपन्देही गरी ११ वटा रहेका छन् । साथै हालसम्म संक्रमित शून्य भएका जिल्लाहरु ६ पुगेका छन् । जसमा ताप्लेजुङ, सोलुखुम्बु, मुस्ताङ, मुगु, डोल्पा र हुम्ला रहेका छन् ।

त्यस्तै आज थपिएका १०४१ जनासँगै नेपालमा हालसम्मको कूल संक्रमितको संख्या ४५ हजार २७७ पुगेको छ । साथै आज १५६६ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २७ हजार १२७ पुगेको छ । साथै आज ९ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या २८० पुगेको छ ।

आज काठमाडौं उपत्यकाका ४०७ सहित १०४१ कोरोना संक्रमित थपिए
नेपालमा आज काठमाडौं उपत्यकाका ४०७ जनासहित देशैभरी १०४१ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ३२६ ललितपुरमा ४५ र भक्तपुरमा ३६ जना संक्रमित थपिएका हुन् ।
मन्त्रालयका अनुसार आज प्रदेश १ को इलाममा १, उदयपुरमा ३, ओखलढुंगामा २, झापामा ७, मोरङमा ३५ र सुनसरीमा २० जना जना संक्रमित थपिएका हुन् ।

प्रदेश २ को धनुषा ७, पर्सा १०, बारा १३, महोत्तरी २६,सप्तरी २०, सर्लाही १७ र सिरहामा ४१ जना संक्रमित थपिएका छन् ।

बागमती प्रदेशको काठमाडौंमा ३२६, काभ्रेपलान्चोक ६, चितवन ४५, दोलखा ६, धादिङ १०, नुवाकोट १, भक्तपुर ४५, मकवानपुर ३५, रामेछाप ५, ललितपुर ३७ र सिन्धुलीमा २ जनामा संक्रमण देखिएको छ ।

गण्डकी प्रदेशको कास्कीमा २३, गोरखामा १७, तनहुँमा ३, नवलपरासीपुर्वमा ५, पर्वतमा १, लमजुङमा २२, बागलुङमा ६ र स्याङजामा ३ जना संक्रमित थपिएका छन् ।

त्यस्तै प्रदेश नं ५ को अर्घाखाँचीमा १, कपिलवस्तुमा १,गुल्मीमा ६, दाङमा ३९, नवलपरासीमा १३, पाल्पामा ३, प्युठानमा १, बर्दियामा ७, बाँकेमा ६२, रुपन्देहीमा ७१ र रोल्पामा १ जनामा संक्रमण पुष्टि भएको छ ।

कर्णाली प्रदेशको जाजरकोटमा ३, दैलेखमा ३ र रल्यानमा २ जना संक्रमित थपिएका हुन् ।

सुदूरपश्चिम प्रदेशको कन्चनपुरमा ५, कैलालीमा ४, डडेल्धुरामा १, डोटीमा २ र बभाङमा १६ जना संक्रमित थपिएसँगै आज देशैभरी १०४१ जना संक्रमित थपिएका छन् । जसमा महिला ३४९ र पुरुष ६९२ जना रहेका छन् । आज थपिएका १०४१ जनासँगै नेपालमा हालसम्मको कूल संक्रमितको संख्या ४५ हजार २७७ पुगेको छ ।

आज पनि १५ सय ६६ जनाले कोरोना जितेर घर फर्किए
नेपालमा आज अहिलेसम्मकै सबैभन्दा बढी कोरोना संक्रमित निको भएका छन् । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १५६६ जना संक्रमणबाट मुक्त भएर डिस्चार्ज भएका हुन् ।  आज निको भएका १५६६ जनासँगै नेपालमा कोरोना संक्रमणबाट मुक्त हुनेको संख्या २७ हजार १२७ पुगेको छ ।

हालसम्म कुन प्रदेशमा कति निको भए त ?
प्रदेश १ मा २,३४३ प्रदेश २ मा ७,८४२ बागमती प्रदेशमा २,३५१ गण्डकी प्रदेशमा १,७१७ प्रदेश नं ५ मा ५,२९७ कर्णाली प्रदेशमा २,२७९ र सुदूरपश्चिम प्रदेशमा ५,२५८ जना गरी हालसम्म जम्मा २७ हजार १२७ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ८५२, प्रदेश २ मा ५३७ बागमती प्रदेशमा ४४८, गण्डकी प्रदेशमा २,४४४ प्रदेश नं ५ मा ९३०, कर्णाली प्रदेशमा ४१८ र सुदूरपश्चिम प्रदेशमा १०३२ जना गरी हालसम्म जम्मा ६,५६१ जना विभिन्न स्थानीय निकायका क्वारेन्टिनमा रहेका छन् । यो संख्या दिनप्रतिदिन घटिरहेको छ ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा ७९९, प्रदेश २ मा ३२५, बागमती प्रदेशमा ५८७५, गण्डकी प्रदेशमा ८६०, प्रदेश नं ५ मा ९०५ कर्णाली प्रदेशमा ३३० र सुदूरपश्चिम प्रदेशमा ७७२ जना गरी हालसम्म जम्मा ९ हजार ८६६ जना संस्थागत आइसोेलेसनमा रहेका छन् ।

त्यस्तै होम आइसोलेसनमा बस्नेहरुमा प्रदेश १ मा ७४०, प्रदेश २ मा ३८३१, बागमती प्रदेशमा २२४५, गण्डकी प्रदेशमा ४३, प्रदेश नं ५ मा ९५२, कर्णाली प्रदेशमा ३६ र सुदूरपश्चिम प्रदेशमा १५७ जना गरी जम्मा ८ हजार ४ जना रहेका छन् ।

आज काठमाडौंका ३ सहित ९ जनाको कोरोना संक्रमणबाट मृत्यु
नेपालमा आज पनि कोरोना संक्रमणबाट ९ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आज ७ जिल्लाका ९ जनाको मृत्यु भएको छ । जसमा ३ महिला र ६ पुरुष रहेका छन् ।
मन्त्रालयका अनुसार आज मोरङकी ४३ वर्षीया, मकवानपुरकी ५२ वर्षीया र नवलपरासीकी ३७ वर्षीया गरी तीन महिलाको मृत्यु भएको हो ।

त्यसैगरी पर्साका ७५ वर्षीय, महोत्तरीका ७८ वर्षीय, काठमाडौंका ४१, ५९ र ३५ वर्षीय गरी ३ पुरुष र रुपन्देहीका ४० वर्षीय गरी ६ जना पुरुष ३ महिला गरी आज ९ जनाको मृत्यु भएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिएका छन् ।  आज थपिएका ९ जनासँगै नेपालमा कोरोना संक्रमणबाट ज्यान गुमाउनेको संख्या २८० पुगेको छ ।

हेर्नुहोस् यस्तो छ नेपालमा भदौ १९ गतेसम्मको कोरोना अपडेटको पूर्ण विवरण