हामी सबैकाे संसारन्यूज

१९ भदौं, काठमाण्डौं । नेपालमा शुक्रबार (१९ भदौ) सम्म पिसीआर प्रविधिबाट ७ लाख ४५ हजार ४९० वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १३,६३८ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले शुक्रबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १८ हजार ४०४ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा १०,९४२ जनाको उपचार भइरहेको छ । साथै होम आइसोलेसनमा बस्नेको संख्या ७,४६२ रहेको छ ।

त्यसैगरी देशभरका विभिन्न अस्पतालको आइसीयुमा १५१ जना संक्रमित उपचाररत छन् ।
मन्त्रालयका अनुसार प्रदेश १ मा ५, प्रदेश २ मा २८, बागमती प्रदेशमा ९०, गण्डकी प्रदेशमा ५ र प्रदेश नं ५ मा २० र कर्णाली प्रदेशमा ३ जना गरी जम्मा १५१ जना आइसीयुमा उपचाररत छन् ।

त्यसैगरी प्रदेश १ मा ३ जना, बागमती प्रदेशमा १९ र प्रदेश ५ मा ४ जना गरी जम्मा २६ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, सुनसरी, धनुषा, पर्सा, वारा, रौतहट, महोत्तरी, सर्लाही, काठमाडौं ललितपुर, चितवन र रुपन्देही गरी १२ वटा रहेका छन् । साथै हालसम्म संक्रमित शून्य भएका जिल्लाहरु ६ पुगेका छन् । जसमा ताप्लेजुङ, सोलुखुम्बु, मुस्ताङ, मुगु, डोल्पा र हुम्ला रहेका छन् ।
त्यस्तै आज थपिएका १३९८ जनासँगै नेपालमा हालसम्मको कूल संक्रमितको संख्या ४४ हजार २३६ पुगेको छ । साथै आज १३५४ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २५ हजार ५६१ पुगेको छ । आज १४ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या २७१ पुगेको छ ।

आज काठमाडौं उपत्यकाका ४५४ सहित १३९८ जनामा कोरोना संक्रमण
नेपालमा आज काठमाडौं उपत्यकाका ४५४ जनासहित देशैभरी १३९८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ३८६ ललितपुरमा ३२ र भक्तपुरमा ३६ जना संक्रमित थपिएका हुन् ।

मन्त्रालयका अनुसार आज प्रदेश १ को उदयपुरमा १, खोटाङमा २, ओखलढुंगामा २, झापामा २८, मोरङमा ७६ जना र सुनसरीमा ३९ जना संक्रमित थपिएका हुन् ।

प्रदेश २ को धनुषामा ४३, पर्सामा २७, बारामा २१, महोत्तरीमा ४६, रौतहटमा २, सप्तरीमा २६, सर्लाहीमा ८० र सिराहामा १ जना संक्रमित थपिएका छन् ।

बागमती प्रदेशको काठमाडौंमा ३८६, काभ्रेपलान्चोकमा ७, चितवनमा ८२, दोलखामा २, धादिङमा १९, नुवाकोटमा ५, भक्तपुरमा ३६, मकवानपुरमा १८, रसुवामा १, रामेछापमा १३, ललितपुरमा ३२, सिन्धुपाल्चोमा ४ र सिन्धुलीमा २ जनामा संक्रमण देखिएको छ ।

गण्डकी प्रदेशको कास्कीमा २०, गोरखामा २६, तनहुँमा १२, नलवलपरासीपूर्वमा २८, म्याग्दीमा १, लमजुङमा १०, बागलुङमा १ र स्याङजामा ३ जना संक्रमित थपिएका छन् ।
त्यस्तै प्रदेश नं ५ को कपिलवस्तुमा ७, गल्मीमा २, दाङमा ७, पाल्पामा ६, बर्दियामा १४, बाँकेमा ४८, रुकुमपूर्वम १ र रुपन्देहीमा ४४ जनामा संक्रमण पुष्टि भएको छ ।

कर्णाली प्रदेशको जाजरकोटमा २, जुम्लामा २१, दैलेखमा ९, रुकुमपश्चिममा १, सल्यानमा १ र सुर्खेतमा २२ जना संक्रमित थपिएका हुन् ।

सुदूरपश्चिम प्रदेशको अछाममा १, कन्चनपुरमा ५, कैलालीमा ५२, डोटीमा ४, दार्चुलामा ३, बझाङमा ३ र बैतडीमा जना संक्रमित थपिएसँगै आज देशैभरी १३५९ जना संक्रमित थपिएका छन् । जसमा महिला ४६४ र पुरुष ८९५ जना रहेका छन् । आज थपिएका १३५९ जनासँगै नेपालमा हालसम्मको कूल संक्रमितको संख्या ४४ हजार २३६ पुगेको छ ।

आज एकैदिन १३ सय बढी कोरोना संक्रमित निको भएर डिस्चार्ज
नेपालमा आज अहिलेसम्मकै सबैभन्दा बढी कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १३ सय ५४ जना संक्रमणबाट मुक्त भएर डिस्चार्ज भएका हुन् । आज निको भएका १३५४ जनासँगै नेपालमा कोरोना संक्रमणबाट मुक्त हुनेको संख्या २५ हजार ५६१ पुगेको छ ।

हालसम्म कुन प्रदेशमा कति निको भए त ?
प्रदेश १ मा २००१, प्रदेश २ मा ७,३५७, बागमती प्रदेशमा २०६७, गण्डकी प्रदेशमा १७१७, प्रदेश नं ५ मा ५,२७६, कर्णाली प्रदेशमा २,१३७ र सुदूरपश्चिम प्रदेशमा ५००६ जना गरी हालसम्म जम्मा २५ हजार ५६१ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ८९३, प्रदेश २ मा ५४३, बागमती प्रदेशमा ४४४, गण्डकी प्रदेशमा २,३९९, प्रदेश नं ५ मा ८७७, कर्णाली प्रदेशमा २४४ र सुदूरपश्चिम प्रदेशमा ११६१ जना गरी हालसम्म जम्मा ६,५६१ जना विभिन्न स्थानीय निकायका क्वारेन्टिनमा रहेका छन् । यो संख्या दिनप्रतिदिन घटिरहेको छ ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा १११६, प्रदेश २ मा ७५२, बागमती प्रदेशमा ५५७५, गण्डकी प्रदेशमा ७८०, प्रदेश नं ५ मा १२५६, कर्णाली प्रदेशमा४६१ र सुदूरपश्चिम प्रदेशमा १००२ जना गरी हालसम्म जम्मा १० हजार ९४२ जना संस्थागत आइसोेलेसनमा रहेका छन् ।

त्यस्तै होम आइसोलेसनमा बस्नेहरुमा प्रदेश १ मा ७३८, प्रदेश २ मा ३,७५७, बागमती प्रदेशमा २,३१५, गण्डकी प्रदेशमा ४३, प्रदेश नं ५ मा ४१९ कर्णाली प्रदेशमा ३९ र सुदूरपश्चिम प्रदेशमा १५१ जना गरी ७,४६२ जना रहेका छन् ।

कोरोना संक्रमणबाट आज १४ जनाको मृत्यु
नेपालमा आज पनि कोरोना संक्रमणबाट १४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज १० जिल्लाका १४ जनाको मृत्यु भएको छ । जसमा ४ महिला र १० पुरुष रहेका छन् ।

मन्त्रालयका अनुसार आज काठमाडौंका मात्रै ८२, ६७, २२ वर्षीया तीन महिला र चितवनकी ३५ वर्षीया महिलाको कोरोना संक्रमणबाट मृत्यु भएको हो ।

त्यसैगरी सप्तरीका ५५/५५ वर्षीय दुई पुरुष, धनुषाका ६५ वर्षीय, कास्कीको ३१ वर्षीय, नवलपरासीको ३७ वर्षीय, प्युठानको ५८ वर्षीय, रुपन्देहीका ७८ वर्षीय, पाल्पाका ६३ वर्षीय र सुर्खेतका ४२ पुरुष गरी १० जना र ४ महिला गरी आज १४ जनाको मृत्यु भएको हो ।  आज थपिएका १४ जनासँगै नेपालमा कोरोना संक्रमणबाट ज्यान गुमाउनेको संख्या २७१ पुगेको छ ।

यस्तो छ हेर्नुहोस् नेपालमा भदौ १८ सम्मको कोरोना अपडेटको पूर्ण विवरण