हामी सबैकाे संसारन्यूज

१८ भदौ, काठमाण्डौं । नेपालमा विहिबार ( १८ भदौ ) सम्म पिसीआर प्रविधिबाट ७ लाख ३१ हजार ८५२ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १३,४१३ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले विहिबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १८ हजार ४१३ रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा १०,६७१ जनाको उपचार भइरहेको छ भने होम आइसोलेसनमा ७,७४२ जना रहेका छन् ।

हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ६,७४९ रहेको छ । यो संख्या पछिल्लो समय घट्दै गएको छ ।

आज थपिएका १२२८ जनासँगै नेपालमा हालसम्म संक्रमितको संख्या ४२ हजार ६७७ पुगेको छ भने आज निको भएर ९१७ जना डिस्चार्ज भएसँगै नेपालमा हालसम्म २४ हजार २०७ जना कोरोना संक्रमणबाट मुक्त भएका छन् । साथै आज थपिएका ६ जनासँगै नेपालमा हालसम्म कोरोना संक्रमणबाट मृत्यु हुनेको संख्या २५७ पुगेको छ ।
त्यसैगरी देशभरका विभिन्न अस्पतालको आइसीयुमा १४१ जना संक्रमित उपचाररत छन् । मन्त्रालयका अनुसार प्रदेश १ मा ५ जना, प्रदेश २ मा २७ जना, बागमती प्रदेशमा ८५ जना, गण्डकी प्रदेशमा ५ र प्रदेश नं ५ मा १९ जना गरी जम्मा १४१ रहेका छन् ।

त्यसैगरी प्रदेश १ मा १ जना, बागमती प्रदेशमा १३ जना र प्रदेश ५ मा ३ जना गरी जम्मा १७ जना विभिन्न अस्पतालका भेन्टिलेटरमा उपचाररत रहेका छन् ।

त्यसैगरी ५०० भन्दा बढी संक्रमित उपचार रहेको जिल्ला मोरङ, सुनसरी, धनुषा, पर्सा, बारा, महोत्तरी, रौतहट, सर्लाही, काठमाडौं, ललितपुर, चितवन र रुपन्देही गरी १२ वटा रहेका छन् । साथै हालसम्म संक्रमित शून्य भएका जिल्लाहरु ताप्लेजुङ, सोलुखुम्बु, मुस्ताङ, मुगु, डोल्पा र हुम्ला गरी ६ जिल्ला रहेका छन् ।

आज काठमाडौं उपत्यकाका ४४५ सहित १२२८ जनामा कोरोना संक्रमण
नेपालमा काठमाडौं उपत्यकाका ४४५ जनासहित देशैभरी १२२८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ३५७ भक्तपुरमा ४२ र ललितपुरमा ४६ जना नयाँ संक्रमित थपिएका हुन् ।

मन्त्रालयका अनुसार आज प्रदेश १ को उदयपुरमा २, ओखलढुंगामा ७, झापामा १२, तेह्रथुममा २, धनकुटामा ३, मोरङमा ४६, संखुवासभामा ६ र सुनसरीमा २७ जना संक्रमित थपिएका हुन् ।

प्रदेश २ को धनुषामा ६४, पर्साम ६५, बारामा ७१, महोत्तरीमा २०, रौतहटमा २९, सप्तरीमा १ र सर्लाहीमा १०९ जना संक्रमित थपिएका छन् ।

बागमती प्रदेशको काठमाडौंमा ३५७, काभ्रेपलान्चोकमा ७, चितवनमा ५६, दोलखामा ५, धादिङमा ३, नुवाकोटमा ४, भक्तपुरमा ४२, मकवानपुरमा २२, रामेछापमा १, ललितपुरमा ४६ र सिन्धुपाल्चोकमा ३ जनामा संक्रमण देखिएको छ ।

गण्डकी प्रदेशको कास्कीमा ३१, गोरखामा ५, तनहुँमा ३, नवलपरासीपूर्वमा ६, लमजुङमा ९ र बागलुङमा १ जना संक्रमित थपिएका छन् ।

त्यस्तै प्रदेश नं ५ को कपिलवस्तुमा ११, गुल्मीमा १०, दाङमा ४, नवलपरासीमा ९, पाल्पामा २, प्युठानमा २, बर्दियामा ५, बाँकेमा ८ र रुपन्देहीमा ५२ जनामा संक्रमण पु्ष्टि भएको छ ।

कर्णाली प्रदेशको कालिकोटमा २, जाजरकोटमा १, दैलेखमा ६, सल्यानमा २ र सुर्खेतमा ७ जना संक्रमित थपिएका हुन् ।

सुदूरपश्चिम प्रदेशको अछाममा ६, कन्चनपुरमा ३, कैलालीमा १५, डोटीमा ४, दार्चुलामा २, बझाङमा १० र बैतडीमा २ जना संक्रमित थपिएसँगै आज देशैभरी १,२२८ जना संक्रमित थपिएका छन् ।

उनीहरुमा ३९४ महिला र ८३४ पुरुष रहेका छन् । आज थपिएका १,२२८ जनासँगै नेपालमा हालसम्मको कूल संक्रमितको संख्या ४२ हजार ८७७ पुगेको छ ।

बढ्दै छ कोरोना संक्रमणबाट मुक्त हुनेको संख्या, आज पनि ९१७ जना निको भएर डिस्चार्ज
नेपालमा आज पनि ९१७ जना कोरोना संक्रमणबाट मुक्त भएर घर फर्किएका छन् । पछिल्ला दिनमा कोरोना संक्रमणबाट मुक्त हुनेको संख्या दिनहुँ बढिरहेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार कुल संक्रमित मध्ये निको हुनेको यो संख्या ५६ प्रतिशत हो ।

मन्त्रालयका अनुसार देशका विभिन्न आइसोलेशन सेन्टरहरुमा उपचाररत ९१७ जना आज संक्रमणबाट मुक्त भएर डिस्चार्ज भएका हुन् । आज निको भएका ९१७ जनासँगै नेपालमा कोरोना संक्रमणबाट मुक्त हुनेको संख्या २४ हजार २०७ पुगेको छ ।

हालसम्म कुन प्रदेशमा कति निको भए त ?
प्रदेश १ मा २००१, प्रदेश २ मा ६४७१, बागमती प्रदेशमा १,५९९, गण्डकी प्रदेशमा १,७१७, प्रदेश नं ५ मा ५,२७६, कर्णाली प्रदेशमा २,१३७ र सुदूरपश्चिम प्रदेशमा ५००६ जना गरी हालसम्म जम्मा २४ हजार २०७ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ९३४, प्रदेश २ मा ६१७, बागमती प्रदेशमा ४५१, गण्डकी प्रदेशमा २३६५, प्रदेश नं ५ मा ८७५, कर्णाली प्रदेशमा २३४ र सुदूरपश्चिम प्रदेशमा १२७३ गरी जम्मा ६,७४९ जना विभिन्न स्थानीय निकायका क्वारेन्टिनमा रहेका छन् ।

यस्तो छ संस्थागत तथा होम आइसोलेसनमा रहनेको संख्या
प्रदेश १ मा ९९०, प्रदेश २ मा ८५२, बागमती प्रदेशमा ५७०६, गण्डकी प्रदेशमा ६८०, प्रदेश ५ मा ११३२, कर्णाली प्रदेशमा ३६८ र सुदूर पश्चिम प्रदेशमा ९४३ जना विभिन्न अस्पताल तथा आइसोलेशन सेन्टरमा उपचार गराइरहेका छन् ।

त्यस्तै प्रदेश १ मा ७१५, प्रदेश २ मा ४३००, बागमती प्रदेशमा २०५०, गण्डकी प्रदेशमा ४३, प्रदेश ५ मा ४१८, कर्णाली प्रदेशमा ७७, सुदूरपश्चिम प्रदेशमा १२९ गरी ७,७४२ जना होम आइसोलेशनमा बसेका छन् ।

कोरोना संक्रमणबाट आज ४ महिलासहित ६ जनाको मृत्यु
नेपालमा कोरोना संक्रमणबाट आज ४ महिलासहित ६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आज ५ जिल्लाका ६ जनाको मृत्यु भएको हो ।

मृत्यु भएका ४ महिलामा चितवनकी ४० वर्षीया, भक्तपुरकी ४० वर्षीया, तनहुँकी ९२ वर्षीया र रुपन्देहीका ७७ वर्षीया सहित ४ जना रहेका छन् ।

त्यसैगरी सिन्धुपाल्चोकका ७७ वर्षीय र रुपन्दहेकी ६५ वर्षीय पुरुष गरी २ जनाको मृत्यु भएको पनि मन्त्रालयका प्रवक्ता डा. जागेश्वर गौतमले जानकारी दिएका छन् ।

नेपालमा आजसम्मको कोरोना अपडेटः ४१,६४९ संक्रमित, २३,२९० जना निको र मृतकको संख्या २५१ पुग्यो