हामी सबैकाे संसारन्यूज

२१ भदौ, काठमाण्डौं । हाल मनसुनको न्यून चापीय रेखा  नेपाल भन्दा केही पर दक्षिणतर्फ अवस्थित रहेको छ । आज देशभर सामान्यतया बदली रहि केही स्थानहरुमा मेघगर्जन/चट्याङ सहित हल्कादेखि मध्यम वर्षाको सम्भावना रहेको छ ।

जल तथा मौसम पूर्वानुमान महाशाखाका अनुसार आज प्रदेश १, बागमती प्रदेश तथा गण्डकी प्रदेशका एक वा दुई स्थानमा भारी वर्षाको सम्भावना रहेको छ ।

आज कोशी, नारायणी, कन्काई, कमला र बागमती जलाधारका केहि स-साना सहायक नदीमा क्षणिक मध्यम बर्षा भई बहाब केहि बढ्ने र केही साना नदीमा आकस्मिक बहाब हुन सक्ने छ भने आज प्रदेश १, २, बागमती र गण्डकी प्रदेशको मध्यपहाडी, तराई र चुरे भई बहने साना नदीमा बहाव केहि बढ्ने तर सतर्कता भन्दा तलै हुने महाशाखाले जनाएको छ ।