हामी सबैकाे संसारन्यूज

२१ भदौँ, काठमाडौँ । सिपिएलमा जमैकाले पाँचौँ पटक हारको सामना गरेको छ । हिजो राति भएको खेलमा बार्बडोस ट्राईडेन्सले जमैका तलैवाजलाई ७ विकेटले पराजित गरेको छ ।

टस जितेर पहिले ब्याटिङ्ग गरेको जमैकाले २० ओभरमा ४ विकेट गुमाएर १६१ रन बनाएको थियो । जमैकाको लागि जेर्मेन ब्ल्याकवुडले सर्वाधिक ७४ रन बनाएका थिए । बार्बडोसका लागि बलिङ्गमा रासिद, होल्डर, विशाप र वाल्शले १/१ विकेट निकालेका थिए ।

जमैकाले दिएको १६१ रनको लक्ष्य बार्बडोस ट्राईडेन्सले १८.२ ओभरमा ३ विकेट गुमाएर पुरा गर्यो । बार्बडोसका लागि कप्तान होल्डरले सर्वाधिक ६९ रन बनाएका थिए । जमैकाका लागि बलिङ्गमा थोमश, म्याकसुविन, लामिछानेले १ १ विकेट लिएका थिए ।

सन्दिपले यस खेलमा पनि राम्रो प्रदशन गरेका छन । उनले आफ्नो ४ ओभरमा २६ रन दिएर १ विकेट लिएका थिए । टिम पराजित भएता पनि सेमिफाइनलमा भने प्रवेश गरिसकेको छ ।