हामी सबैकाे संसारन्यूज

२१ भदौँ, काठमाडौँ । विश्वभरमा कोरोना भाइरसको संक्रमणबाट मुक्त हुनेको संख्या बढ्दै गईरहेको छ । शनिबार  विश्वभरमा २ लाख भन्दा बढि कोरोना भाइरसको संक्रमणबाट मुक्त भएका छन ।

शनिबार विश्वभरमा कोरोना भाइरसको संक्रमणबाट निको हुनेको संख्या २ लाख १९ हजार ५ सय ९ रहेको थियो । यससँगै विश्वभरमा कोरोना संक्रमणबाट मुक्त हुनेको संख्या १ करोड ९१ लाख ७० हजार १ सय ४६ पुगेको छ ।

त्यसैगरी शनिबार नै विश्वभरमा २ लाख ६९ हजार ३ सय ७९ कोरोना भाइरसका नयाँ संक्रमितहरु थपिएका छन भने कोरोना संक्रमणबाट ४ हजार ८ सय २२ को जनाको मृत्यु भएको छ ।

विश्वभरमा कोरोना भाइरसबाट संक्रमित हुनेको संख्या २ कारोड ७० लाख ६६ हजार ५ सय ३३ रहेको छ भने संक्रमणबाट मृत्यु हुनेकोे संख्या ८ लाख ८३ हजार ७ सय ४४ रहेको छ ।

अहिले पनि विश्वभरमा ७० लाख १२ हजार ६ सय ४३ जना कोरोना संक्रमित अवस्थामै रहेका छन ।